കുവൈത്ത് സിറ്റി: മംഗഫ് കലാ സെന്ററിൽ ബാലവേദി കുവൈത്തും ഇന്ത്യൻ ഡെന്റൽ അലയൻസ് ഇൻ കുവൈത്തും  സംയുക്തമായി ഡെന്റൽ ക്യാംപും സെമിനാറും സംഘടിപ്പിച്ചു. കുട്ടികളിൽ ദന്താരോഗ്യ അവബോധം വളർത്തുകയെന്ന ലക്ഷ്യത്തോടെ നടത്തിയ പരിപാടിയിൽ നിരവധി കുട്ടികളും രക്ഷിതാക്കളും പങ്കെടുത്തു. ബാലവേദി സെക്രട്ടറി നന്ദന ലക്ഷ്മി സ്വാഗതം പറഞ്ഞു. വൈസ് പ്രസിഡന്റ് കെവിൻ രാംനാഥ് അധ്യക്ഷത വഹിച്ചു. വനിതവേദി ജനറൽ സെക്രട്ടറി കവിത അനൂപ് ഉദ്ഘാടനം നിർവഹിച്ചു. ലോക പരിസ്ഥിതി ദിന സന്ദേശം ഇഷാനി ഷൈമേഷ് അവതരിപ്പിച്ചു.

ALSO READ: കുവൈത്തിലെ ഫഹാഹീൽ റോഡിൽ ഭാഗിക ഗതാഗത നിയന്ത്രണം; 20 ദിവസത്തേക്ക് പാതകൾ അടയ്ക്കും

കല കുവൈത്ത് പ്രതിനിധി നവീൻ കെ.വി, ഡോ. ജോഷിൻ സൂസൻ എന്നിവർ ആശംസകൾ നേർന്നു. ഡെന്റൽ ആരോഗ്യ ബോധവൽക്കരണ ക്ലാസുകളും ക്വിസ്, മൈം പരിപാടികളും സംഘടിപ്പിച്ചു. പുസ്തകക്കുറിപ്പ് മത്സര വിജയികൾക്ക് സമ്മാനങ്ങൾ വിതരണം ചെയ്തു. ദന്തസംരക്ഷണവും ആരോഗ്യകരമായ ഭക്ഷണശീലങ്ങളും സംബന്ധിച്ച് വിദഗ്ധർ ക്ലാസുകൾ നയിച്ചു. അവന്തിക അനുപ് നന്ദി രേഖപ്പെടുത്തി. ദന്താരോഗ്യ ബോധവൽക്കരണത്തിന് ഇത്തരം പരിപാടികൾ സഹായകരമാണെന്ന് പങ്കെടുത്തവർ അഭിപ്രായപ്പെട്ടു.

Balavedi Kuwait and the Indian Dental Alliance in Kuwait jointly organized a dental awareness camp and seminar for children at the Mangaf Kala Center.