ന്യൂഡല്‍ഹി: ദമ്പതിമാര്‍ തമ്മിലുള്ള അഭിപ്രായവ്യത്യാസങ്ങളുടെ ഭാഗമായി ഭര്‍ത്താവ് 13 ദിവസം ഭാര്യയോട് സംസാരിക്കാതിരുന്നത് ആത്മഹത്യയിലേക്ക് നയിക്കുന്ന ക്രൂരതയായി കണക്കാക്കാനാവില്ലെന്ന് സുപ്രീംകോടതി. ദാമ്പത്യജീവിതത്തില്‍ പിണക്കങ്ങളും തര്‍ക്കങ്ങളും സ്വാഭാവികമാണെന്നും അത് ചിലപ്പോള്‍ പരസ്പരം മിണ്ടാതിരിക്കുന്നതിലേക്ക് നയിച്ചേക്കാമെന്നും ജസ്റ്റിസ് ജെ. കെ മഹേശ്വരി അധ്യക്ഷനായ ബെഞ്ച് നിരീക്ഷിച്ചു. ഭര്‍തൃപീഡനത്തെത്തുടര്‍ന്ന് യുവതി ആത്മഹത്യ ചെയ്‌തെന്ന കേസില്‍ ഭര്‍ത്താവിനെ കുറ്റവിമുക്തനാക്കിക്കൊണ്ടാണ് കോടതിയുടെ ഈ സുപ്രധാന വിധി.

2015ല്‍ തമിഴ്‌നാട്ടിലായിരുന്നു കേസിനാസ്പദമായ സംഭവം നടന്നത്. ഒമാനില്‍ ജോലി ചെയ്യുകയായിരുന്ന ഭര്‍ത്താവ്, വീട്ടുകാരുടെ എതിര്‍പ്പ് മറികടന്ന് സ്വന്തം മാതാപിതാക്കളെ സന്ദര്‍ശിച്ചതിലുള്ള പിണക്കം കാരണം 13 ദിവസം ഭാര്യയോട് സംസാരിച്ചിരുന്നില്ല. തുടര്‍ന്ന് യുവതി സ്വന്തം വീട്ടില്‍ വച്ച് ആത്മഹത്യ ചെയ്യുകയായിരുന്നു. വിചാരണക്കോടതിയും മദ്രാസ് ഹൈക്കോടതിയും ഭര്‍ത്താവ് കുറ്റക്കാരനാണെന്ന് വിധിക്കപ്പെട്ടതിനെതിരെ നല്‍കിയ അപ്പീലിലാണ് സുപ്രീംകോടതിയുടെ ഈ അനുകൂല ഉത്തരവ്.

The Supreme Court acquitted a man of abetment to suicide, ruling that a husband not speaking to his wife for 13 days due to matrimonial disputes cannot be termed as cruelty.