കോഴിക്കോട്: വടകര കാഫിര്‍ സ്‌ക്രീന്‍ഷോട്ട് കേസില്‍ പ്രത്യേക അന്വേഷണ സംഘത്തെ വെല്ലുവിളിച്ച് പ്രതിയും ഡിവൈഎഫ്‌ഐ നേതാവുമായ ജിതിന്‍ ഭാസ്‌കരന്‍. 200 പേര്‍ക്ക് സ്‌ക്രീന്‍ഷോട്ട് ബ്രോഡ്കാസ്റ്റ് ചെയ്തു എന്ന പൊലിസിന്റെ കണ്ടെത്തലിനെയാണ് ജിതിന്‍ ഫേസ്ബുക്ക് പോസ്റ്റിലൂടെ ചോദ്യം ചെയ്യുന്നത്. കുറഞ്ഞത് 10 പേര്‍ക്കെങ്കിലും താന്‍ ഈ സ്‌ക്രീന്‍ഷോട്ട് അയച്ചതിന്റെ തെളിവ് പുറത്തുവിടാന്‍ ജിതിന്‍ വെല്ലുവിളിച്ചു. കഴിഞ്ഞ ദിവസമാണ് ജിതിന്‍ ജാമ്യത്തിലിറങ്ങിയത്. 

ALSO READ: 'വര്‍ഗവഞ്ചകന്‍' ഗോവിന്ദന്‍, സെക്രട്ടറി സ്ഥാനം രാജിവെക്കണം; എം.വി. ഗോവിന്ദനെതിരേ രൂക്ഷ വിമര്‍ശനവുമായി ജി. സുധാകരന്‍

തന്റെ വാട്‌സാപ്പ് ബ്രോഡ്കാസ്റ്റ് ലിസ്റ്റില്‍ 250 ഓളം ആളുകളുണ്ടെന്നും അതില്‍ തിരുവള്ളൂരിലെ അടിയുറച്ച കോണ്‍ഗ്രസുകാരും അവരുടെ മക്കളും അയല്‍വാസികളും ഉള്‍പ്പെടുന്നുണ്ടെന്നും ജിതിന്‍ പോസ്റ്റില്‍ വ്യക്തമാക്കുന്നു. സാധാരണയായി ഇടതുപക്ഷത്തിന്റെ വികസന നേട്ടങ്ങളും രാഷ്ട്രീയ പോസ്റ്ററുകളും പ്രതിപക്ഷത്തിന്റെ പൊള്ളത്തരങ്ങളും പങ്കുവെക്കാന്‍ മാത്രമാണ് ഈ ബ്രോഡ്കാസ്റ്റ് സംവിധാനം ഉപയോഗിക്കാറുള്ളത്. വിവാദമായ സ്‌ക്രീന്‍ഷോട്ട് താന്‍ 200 പേര്‍ക്ക് ബ്രോഡ്കാസ്റ്റ് ചെയ്തു എന്ന് പറയുന്നവര്‍, തന്റെ ലിസ്റ്റിലുള്ള കോണ്‍ഗ്രസുകാരുടെയോ മറ്റാരുടെയെങ്കിലും കൈയില്‍ നിന്നോ ഇതിന്റെ ഒരു തെളിവ് കാണിച്ചുതരാന്‍ പറ്റുമോ എന്ന് ജിതിന്‍ ചോദിക്കുന്നു.  അങ്ങനെ 10 പേര്‍ക്കെങ്കിലും അയച്ചതിന്റെ സ്‌ക്രീന്‍ഷോട്ട് കാണിച്ചു തന്നാല്‍ ഇത് ചെയ്തത് താനാണെന്ന് ഉറപ്പിച്ചോളൂ എന്നും ജിതിന്‍ പറയുന്നു. 

വിവാദമായ കാഫിര്‍ സ്‌ക്രീന്‍ഷോട്ട് കേസില്‍ ജാമ്യം ലഭിച്ച് പുറത്തിറങ്ങിയ ശേഷമുള്ള ജിതിന്റെ ആദ്യ പ്രതികരണം കൂടിയാണിത്.

jithin bhaskar challenged the investigation team in the kafir screenshot case, asking them to produce evidence that he shared the screenshot with at least ten people as part of the ongoing probe.