മേപ്പാടി: വയനാട് മേപ്പാടി തുരങ്കപാത നിര്‍മാണ മേഖലയ്ക്ക് സമീപം ഉണ്ടായ മണ്ണിടിച്ചിലിന്റെ ഞെട്ടിക്കുന്ന സി.സി.ടി.വി ദൃശ്യങ്ങള്‍ പുറത്തുവന്നു. മീനാക്ഷിപ്പാലത്തിന് സമീപത്തെ കടയിലെ ക്യാമറയില്‍ പതിഞ്ഞ ദൃശ്യങ്ങളാണ് അപകടത്തിന്റെ രൂക്ഷത വ്യക്തമാക്കുന്നത്.

മലമുകളില്‍ നിന്ന് വലിയ തോതില്‍ മണ്ണ് ഇടിഞ്ഞ് അതിവേഗത്തില്‍ താഴേക്ക് പതിക്കുന്നതും അതിന്റെ ആഘാതത്തില്‍ മണ്ണും ചെളിവെള്ളവും മീനാക്ഷിപ്പാലം കടന്ന് കുതിച്ചൊഴുകുന്നതുമാണ് ദൃശ്യങ്ങളിലുള്ളത്. നിമിഷങ്ങള്‍ക്കുള്ളില്‍ പ്രദേശം മുഴുവന്‍ ചെളിയും മണ്ണും മൂടുന്ന കാഴ്ചയും ദൃശ്യങ്ങളില്‍ വ്യക്തമാണ്.

ALSO READ: വയനാട് മണ്ണിടിച്ചില്‍: തൊഴിലാളികളുമായി എത്തിയ ബസ് ഒലിച്ചുപോയി; രണ്ടു മരണം, നിരവധി പേരെ കാണാതായി 

മണ്ണിനും ചെളിക്കുമൊപ്പം വാഹനങ്ങള്‍ ഒഴുകിനീങ്ങുന്നതും അപകടത്തില്‍ നിന്ന് രക്ഷപ്പെടാന്‍ ആളുകള്‍ ഓടുന്നതും ദൃശ്യങ്ങളില്‍ കാണാം. രക്ഷപ്പെടാന്‍ ശ്രമിച്ച ചിലര്‍ ശക്തമായ ചെളിയൊഴുക്കില്‍പ്പെട്ട് ഒഴുകിപ്പോകുന്നതും സി.സി.ടി.വി ദൃശ്യങ്ങളിലുണ്ട്.

മീനാക്ഷിപ്പാലത്തിന് സമീപം നടന്ന മണ്ണിടിച്ചിലിന്റെ ഭീകരതയും ദുരന്തത്തിന്റെ വ്യാപ്തിയും വ്യക്തമാക്കുന്നതാണ് പുറത്തുവന്ന ഈ ദൃശ്യങ്ങള്‍.

Shocking CCTV visuals of the landslide near the Wayanad Meppadi tunnel project construction area have come out.The footage, captured on a shop camera near Meenakshi Bridge, clearly shows the severity of the accident.