തൊടുപുഴ: ഇടുക്കി വണ്ടിപ്പെരിയാറിൽ മദ്യപാനത്തിനിടെ യുവാവ് കുത്തേറ്റു മരിച്ചു.  തേങ്ങാക്കൽ സ്വദേശി അശോകൻ (25) ആണ് മരിച്ചത്. വണ്ടിപ്പെരിയാർ തേങ്ങാക്കല്ലിലാണ് സംഭവം. മദ്യപാനത്തിനിടെയുണ്ടായ തർക്കമാണ് കൊലപാതകത്തിലേക്ക് നയിച്ചതെന്നാണ് പ്രാഥമിക നിഗമനം.

സംഭവത്തിൽ തേങ്ങാക്കൽ സ്വദേശി തന്നെയായ സുബീഷ് എന്നയാളെ പൊലിസ് കസ്റ്റഡിയിൽ എടുത്തു. ഇയാളെ പൊലിസ് ചോദ്യം ചെയ്തു വരികയാണ്.