ന്യൂഡല്‍ഹി: ഇസ്‌റാഈലിന്റെ അയണ്‍ ഡോം വ്യോമ പ്രതിരോധ സംവിധാനത്തില്‍ ഉപയോഗിക്കുന്ന ടാമിര്‍ ഇന്റര്‍സെപ്റ്റര്‍ മിസൈലുകള്‍ ഇന്ത്യയില്‍ നിര്‍മിക്കാന്‍ നീക്കം. ഇതിനുള്ള സാധ്യതകള്‍ ഇസ്‌റാഈല്‍ പ്രതിരോധ കമ്പനി റാഫേല്‍ അഡ്വാന്‍സ്ഡ് ഡിഫന്‍സ് സിസ്റ്റംസ് പരിശോധിച്ചുവരികയാണെന്ന് മാധ്യമങ്ങള്‍ റിപ്പോര്‍ട്ട് ചെയ്തു. ഇക്കാര്യത്തില്‍ ഇന്ത്യന്‍ സ്വകാര്യ പ്രതിരോധ കമ്പനികളുമായി റാഫേല്‍ ചര്‍ച്ചകള്‍ നടത്തിവരികയാണ്. ഇരുരാജ്യങ്ങളും പ്രഖ്യാപിച്ച പ്രതിരോധ പങ്കാളിത്തത്തിന്റെ പശ്ചാത്തലത്തിലാണ് പുതിയ നടപടി. പ്രതിരോധം, സാങ്കേതികവിദ്യ, തന്ത്രപ്രധാന മേഖലകള്‍ എന്നിവയില്‍ സഹകരണം ശക്തിപ്പെടുത്തുകയാണ് ഇരു രാജ്യങ്ങളുടെയും ലക്ഷ്യം.
നിലവില്‍ വടക്കന്‍ ഇസ്‌റാഈലാണ് റാഫേല്‍ ടാമിര്‍ മിസൈലുകള്‍ നിര്‍മിക്കുന്നത്. അമേരിക്കന്‍ പ്രതിരോധ കമ്പനിയായ റേതിയോണുമായുള്ള സഹകരണത്തോടെ യു.എസിലും ഇതിന്റെ നിര്‍മാണ സംവിധാനം റാഫേല്‍ നടത്തുന്നുണ്ട്. ഇന്ത്യയില്‍ പുതിയ നിര്‍മാണ കേന്ദ്രം ആരംഭിച്ചാല്‍ റാഫേലിന്റെ ആഗോള ഉല്‍പാദന ശൃംഖല കൂടുതല്‍ വിപുലമാകും. 
ഇന്ത്യയും ഇസ്‌റാഈലും വര്‍ഷങ്ങളായി പ്രതിരോധ രംഗത്ത് അടുത്ത സഹകരണം പുലര്‍ത്തുന്നുണ്ട്. ഇന്ത്യയുടെ പ്രതിരോധ ഗവേഷണ വികസന സംഘടനയും (ഡി.ആര്‍.ഡി.ഒ) ഇസ്റാഈല്‍ എയ്‌റോസ്‌പേസ് ഇന്‍ഡസ്ട്രീസും ചേര്‍ന്ന് വികസിപ്പിച്ച ബരാക് 8 വ്യോമ പ്രതിരോധ സംവിധാനമാണ് പ്രധാന സംയുക്ത പദ്ധതികളിലൊന്ന്.

Moves are underway to manufacture Tamir interceptor missiles, used in Israel's Iron Dome air defense system, in India. Media reports indicate that the Israeli defense company, Rafael Advanced Defense Systems, is currently exploring these possibilities. Rafael is in discussions with Indian private defense firms regarding the matter