കാസര്‍കോട്: നെല്ലിക്കുന്ന് തീരത്ത് തലയില്ലാത്ത നിലയില്‍ കണ്ടെത്തിയ പുരുഷന്റെ മൃതദേഹവുമായി ബന്ധപ്പെട്ട ദുരൂഹത കൂടുതല്‍ ശക്തമാകുന്നു. മൃതദേഹം നേരത്തെ മറ്റെവിടെയോ പോസ്റ്റ്‌മോര്‍ട്ടത്തിന് വിധേയമാക്കിയതാണെന്ന് അന്വേഷണത്തില്‍ വ്യക്തമായി.

ഇന്‍ക്വസ്റ്റ് നടപടികള്‍ക്കിടെ മൃതദേഹത്തിന്റെ നെഞ്ചിലും വയറിലും അസാധാരണമായ മുറിവുകളും തുന്നലുകളും കണ്ടെത്തിയിരുന്നു. തുടര്‍ന്ന് പരിയാരം മെഡിക്കല്‍ കോളജില്‍ നടത്തിയ പോസ്റ്റ്‌മോര്‍ട്ടത്തിലാണ് ഇവ മുന്‍പ് നടത്തിയ പോസ്റ്റ്‌മോര്‍ട്ടത്തിന്റെ ഭാഗമായുള്ള ശസ്ത്രക്രിയയുടെ അടയാളങ്ങളാണെന്ന് സ്ഥിരീകരിച്ചത്.

ALSO READ: എ.ഐ ഉപയോഗിച്ച് പിരിച്ചുവിടല്‍; മെറ്റയ്‌ക്കെതിരേ 26 ജീവനക്കാര്‍ കോടതിയില്‍ 

എന്നാല്‍, ആദ്യ പോസ്റ്റ്‌മോര്‍ട്ടം കേരളത്തില്‍ നടത്തിയതാകാന്‍ സാധ്യതയില്ലെന്നാണ് പൊലിസിന് ലഭിച്ചിരിക്കുന്ന പ്രാഥമിക സൂചന. ഇതോടെ അന്വേഷണം സംസ്ഥാനത്തിന് പുറത്തേക്കും വ്യാപിപ്പിക്കാനാണ് കാസര്‍കോട് ടൗണ്‍ പൊലിസിന്റെ തീരുമാനം.

മൃതദേഹത്തിന് തലയില്ലാത്തതിനാല്‍ പ്രായമോ മറ്റ് വ്യക്തിഗത വിവരങ്ങളോ കണ്ടെത്താന്‍ കഴിഞ്ഞിട്ടില്ല. പൂര്‍ണമായും ജീര്‍ണിച്ച നിലയിലുള്ള മൃതദേഹത്തിന് ഒരു മാസത്തിലധികം പഴക്കമുണ്ടെന്നാണ് പ്രാഥമിക നിഗമനം.

മൃതദേഹം ആരുടേതാണെന്ന് തിരിച്ചറിയാന്‍ ഡി.എന്‍.എ പരിശോധന നടത്തും. ഇതിന്റെ അടിസ്ഥാനത്തില്‍ മറ്റ് സംസ്ഥാനങ്ങളിലെ കാണാതായവരുടെ വിവരങ്ങളുമായി താരതമ്യം ചെയ്ത് അന്വേഷണം വിപുലപ്പെടുത്താനാണ് പൊലിസിന്റെ തീരുമാനം.

The mystery surrounding the headless body of a man found on the Nellikkunnu coast is deepening. The investigation revealed that the body had already undergone a postmortem somewhere else earlier.