കോട്ടയം: കഴിഞ്ഞ തെരഞ്ഞെടുപ്പില്‍ യു.ഡി.എഫിന്റെ  മുന്നേറ്റമാണ് കാണാന്‍ സാധിച്ചതെന്നും ഇതിന് പല കാരണങ്ങളുണ്ടെങ്കിലും  അതില്‍ ഒരു പ്രധാന കാരണം ഉമ്മന്‍ചാണ്ടി കോണ്‍ഗ്രസിന്റെ നേതാക്കള്‍ക്ക് സമ്മാനിച്ച  പ്രവര്‍ത്തന ശൈലിക്കുള്ള അംഗീകാരമാണെന്ന് കെ.സി.വേണുഗോപാല്‍. ഉമ്മന്‍ചാണ്ടി അനുസ്മരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വിഴിഞ്ഞം തുറമുഖത്തിന് ഉമ്മന്‍ചാണ്ടിയുടെ പേരിടണമെന്നും അദ്ദേഹം ആവശ്യപ്പെട്ടു.

കെ.സിയുടെ വാക്കുകള്‍: 

'ഉമ്മന്‍ചാണ്ടിയുടെ പേരാണ് കേരളത്തിലെ കോണ്‍ഗ്രസിന് വലിയ വോട്ട് കിട്ടുന്നതിന് കാരണം. പീന്നിട് വന്ന മുഖ്യമന്ത്രിക്ക് നേരെ കരിങ്കൊടി വീശിയപ്പോള്‍ സ്വന്തം ഗണ്‍മാന്‍ അടിക്കുന്നതും അത് രക്ഷാപ്രവര്‍ത്തനമാണെന്ന് പറയുന്നതുമാണ് കണ്ടത്. രണ്ടു ശൈലികളുടെ വ്യത്യാസം ഇവിടെ കാണാന്‍ സാധിക്കും. തനിക്ക് പരിക്കേറ്റാലും പ്രതികാര ബുദ്ധിയോടെ കാണരുതെന്ന് പറയുന്ന സമീപനവും സാധാരണ പ്രതിഷേധങ്ങളെ തല്ലി കൊന്ന് തീര്‍ക്കാന്‍ ശ്രമിച്ചാല്‍ അതിനെ ന്യായീകരിക്കുന്ന സമീപനവും ഇതിനെ രണ്ടിനെക്കൂടി കേരളത്തിലെ ജനങ്ങള്‍ തമ്മില്‍ വെച്ചു നോക്കിയെന്നതാണ് യു.ഡി.എഫ് വിജയത്തിന്റെ ഒരു കാരണമായി മാറിയത്.  ഇവിടെയാണ്  ഉമ്മന്‍ചാണ്ടിയുടെ സ്വാധീനം വന്നത് കാണാന്‍ സാധിക്കുന്നത്.ഒരു ജനപ്രതിനിധിയുടെ മുന്നിലേക്ക് വരുന്ന ജനങ്ങളുടെ ആവലാതികള്‍ കേള്‍ക്കുക മാത്രമല്ല അവയ്ക്ക് പരിഹാരം കണ്ടെത്താന്‍ വേണ്ടിയുള്ള ആത്മാര്‍ത്ഥ പരിശ്രമം ഉണ്ടാകുമ്പോള്‍ ആണ് ആ പ്രതിനിധി ജനസേവകന്‍ ആയിട്ട് മാറുന്നത്. അക്ഷാരാര്‍ഥത്തില്‍ ഉമ്മന്‍ചാണ്ടിയുടെ കാലഘട്ടം ജനസേവനത്തിന്റെ കാലഘട്ടമായിരുന്നു. ഉമ്മന്‍ചാണ്ടിയുടെ വിലാപയാത്ര കേവലം ഒരു ഭൗതികശരീരത്തിന്റെ വിലാപയാത്രയായിട്ട് തോന്നിട്ടില്ല. ജനസമ്പര്‍ക്ക പരിപാടി നാലു തവണയായിരുന്നു അദ്ദേഹം നടത്തിയത്. പന്ത്രണ്ടര ലക്ഷം പേരെയാണ് ഇതിലൂടെ നേരില്‍ കണ്ടെത്. ആരോപണത്തിന്റെ പുകമറയില്‍പ്പെടുത്തി അദ്ദേഹത്തെ മോശമാക്കിയ കാലഘട്ടം ഉണ്ടായിരുന്നു. അതിനെയെല്ലാം അദ്ദേഹം അതിജീവിച്ചു' 

ഉമ്മന്‍ചാണ്ടി ഓര്‍മ്മ ആയിട്ട് ഇന്ന് മൂന്നു വര്‍ഷം തികയുകയാണ്. പുതുപ്പള്ളിയില്‍ പ്രത്യേക പ്രാര്‍ഥനയും പരിപാടിയും നടക്കുകയാണ്. ഉച്ചയോടെ മുഖ്യമന്ത്രി വി.ഡി. സതീശന്‍ കല്ലറയിലെത്തി പുഷ്പാര്‍ച്ചന നടത്തും.

"KC Venugopal stated that a brilliant surge by the UDF was seen in the last election, and while there are many reasons for this, a major factor is the recognition of Oommen Chandy's style of functioning, which he gifted to Congress leaders during his time. He was speaking while inaugurating the Oommen Chandy commemoration.