കോഴിക്കോട്: വയനാട്ടില്‍ വീണ്ടും ഷിഗെല്ല രോഗബാധ റിപോര്‍ട്ട് ചെയ്തു. വയനാട് ഗവ. എഞ്ചിനീയറിങ് കോളജിലെ ഒരു വിദ്യാര്‍ത്ഥിക്കാണ് പുതുതായി രോഗം സ്ഥിരീകരിച്ചത്. ഇതിന് പുറമെ നാല് വിദ്യാര്‍ത്ഥികള്‍ കൂടി രോഗലക്ഷണങ്ങളോടെ നിലവില്‍ മാനന്തവാടി മെഡിക്കല്‍ കോളജ് ആശുപത്രിയില്‍ ചികിത്സയില്‍ കഴിയുന്നുണ്ട്.

നേരത്തെ രോഗവ്യാപനം പൂര്‍ണ്ണമായും നിയന്ത്രണവിധേയമാക്കിയ ശേഷം ജില്ലയില്‍ വീണ്ടും രോഗബാധ കണ്ടെത്തിയത് ആശങ്കയുണര്‍ത്തുന്നുണ്ട്. നിലവിലെ സാഹചര്യം വിലയിരുത്തുന്നതിനും പ്രതിരോധ നടപടികള്‍ ശക്തമാക്കുന്നതിനുമായി ജില്ലാ മെഡിക്കല്‍ ഓഫീസറുടെ (ഡിഎംഒ) നേതൃത്വത്തില്‍ അടിയന്തര അവലോകന യോഗം ചേരും.

Health authorities in Wayanad are on alert after an engineering student tested positive for Shigella and four others were hospitalized with symptoms shortly after the district had brought the infection under control.