കൊച്ചി: അങ്കമാലി കറുകുറ്റിയില്‍ മീന്‍ പൊരിച്ചതിന് ഉപ്പ് കുറഞ്ഞെന്ന് ആരോപിച്ച് ഹോട്ടലുടമ പാചകക്കാരനെ വെട്ടിപ്പരുക്കേല്‍പ്പിച്ചു. കറുകുറ്റിയില്‍ പ്രവര്‍ത്തിക്കുന്ന മീന്‍വിലാസം ഹോട്ടലിലെ പാചകക്കാരനായ കൊല്ലം സ്വദേശി റിയാസിനാണ് വെട്ടേറ്റത്. ഇയാളുടെ കൈയ്യില്‍ ആഴത്തില്‍ മുറിവേറ്റിട്ടുണ്ട്. 

ഹോട്ടലുടമയായ മുഹമ്മദ് ഉബൈസാണ് വെട്ടിയതെന്നാണ് പരാതി. ഉബൈസ് ഹോട്ടലിലെത്തി ഭക്ഷണം കഴിക്കുമ്പോള്‍ മീന്‍ ആവശ്യപ്പെട്ടു. ഫിഷ് ഫ്രൈ നല്‍കിയപ്പോള്‍ ഉപ്പ് കുറവുണ്ടെന്നും കുറച്ചുകൂടി ശ്രദ്ധിക്കണമെന്നും ഉബൈസ് പറഞ്ഞു. എന്നാല്‍ ഹോട്ടലിലെ ഫ്രീസര്‍ ഏറെ നാളായി കേടാണെന്നും അത് ശരിയാക്കി നല്‍കാന്‍ പറഞ്ഞിട്ട് ഇതുവരെ ശരിയാക്കിയില്ലല്ലോയെന്നും ഷെഫ് പറഞ്ഞു. ഇതോടെയാണ് ഉബൈസ് പ്രകോപിതനായത്. 

തിരികെ അടുക്കളയിലേക്ക് പോയ ഷെഫിന്റെ പിന്നാലെയെത്തി ഉടമ കൈത്തണ്ടയില്‍ വെട്ടുകയായിരുന്നു. സംഭവത്തില്‍ അങ്കമാലി പൊലിസ് കേസെടുത്തു. 

A hotel cook was allegedly attacked and injured following a dispute over the amount of salt in fried fish. The incident reportedly occurred after a customer or hotel-related dispute escalated, leading to an assault on the cook. Police have started an investigation into the incident and are looking into the circumstances surrounding the attack.