മിനിസോട്ട: യു.എസിലെ മിനിസോട്ടയിലെ ഷോപ്പിങ് മാളില്‍ യുവാവ് നടത്തിയ കത്തിയാക്രമണത്തില്‍ എട്ടുപേര്‍ക്ക് കുത്തേറ്റു. ആക്രമണം നടത്തിയയാള്‍ കൊല്ലപ്പെട്ടു. പരുക്കേറ്റവരെ സെന്റ് ക്ലൗഡ് ആശുപത്രിയില്‍ പ്രവേശിപ്പിച്ചു.
ആരുടെയും പരുക്ക് ഗുരുതരമല്ല. ആക്രമണത്തെ തുടര്‍ന്ന് മാള്‍ അടച്ചതായി പൊലിസ് പറഞ്ഞു. പൊലിസ് വെടിവയ്പിലാണ് അക്രമി കൊല്ലപ്പെട്ടത്. സെന്റ് ക്ലൗഡ് സിറ്റിയിലെ ക്രോസ്‌റോഡ് മാളിലാണ് കത്തിയാക്രമണം നടന്നത്. ശനിയാഴ്ച രാത്രി എട്ടരയോടെയായിരുന്നു സംഭവം.
സൈനിക യൂനിഫോമിലാണ് അക്രമിയെത്തിയതെന്ന് പൊലിസ് മേധാവി ബ്ലെയര്‍ ആന്‍ഡേഴ്‌സന്‍ പറഞ്ഞു. എന്നാല്‍, പ്രതിക്ക് തീവ്രവാദബന്ധമുണ്ടെന്ന് കരുതുന്നതായും ഇയാളുടെ ഉദ്ദേശ്യം വ്യക്തമല്ലെന്നും അദ്ദേഹം പറഞ്ഞു.