കൊല്ലം: ശബരിമല സ്വര്‍ണക്കൊള്ളയുമായി ബന്ധപ്പെട്ട കേസില്‍ മുന്‍ ദേവസ്വം ബോര്‍ഡ് പ്രസിഡന്റ് പി.എസ് പ്രശാന്ത് അറസ്റ്റില്‍. കൊല്ലം പൊലിസ് സ്റ്റേഷനിലെത്തിച്ച് നടത്തിയ ചോദ്യം ചെയ്യലിന് പിന്നാലെയാണ് പ്രശാന്തിന്റെ അറസ്റ്റ് രേഖപ്പെടുത്തിയത്. ഉച്ചയ്ക്ക് ശേഷം ഇദ്ദേഹത്തെ കൊല്ലം വിജിലന്‍സ് കോടതിയില്‍ ഹാജരാക്കും. 

ഇന്ന് രാവിലെ തിരുവനന്തപുരം ഏണിക്കരയിലെ വസതിയില്‍ നിന്നാണ് പി.എസ് പ്രശാന്തിനെ എസ്.ഐ.ടി കസ്റ്റഡിയിലെടുത്തത്. ഇതിന് പിന്നാലെ മുന്‍ ദേവസ്വം ബോര്‍ഡ് അംഗം അഡ്വ. എ അജികുമാറിനെയും എസ്.ഐ.ടി കസ്റ്റഡിയിലെടുത്തിരുന്നു. ഇദ്ദേഹത്തിന്റെ അറസ്റ്റും ഉടന്‍ രേഖപ്പെടുത്തിയേക്കും. 

2025ല്‍ സന്നിധാനത്തെ ദ്വാരപാലക രൂപങ്ങളിലെ സ്വര്‍ണ്ണപ്പാളികള്‍ ചെന്നൈയിലെ 'സ്മാര്‍ട്ട് ക്രിയേഷന്‍സ്' എന്ന സ്വകാര്യ സ്ഥാപനത്തിലേക്ക് കൊണ്ടുപോയി മിനുക്കുപണികള്‍ നടത്തിയത് തിരിമറിയുടെ ഭാഗമാണെന്ന് അന്വേഷണസംഘം കണ്ടെത്തുകയായിരുന്നു.

2019ല്‍ നടന്ന സ്വര്‍ണ്ണക്കവര്‍ച്ച മറച്ചുവെക്കാനാണ് 2025ല്‍ ഈ പുനരുദ്ധാരണ നാടകം നടത്തിയത്. പ്രധാന പ്രതി ഉണ്ണികൃഷ്ണന്‍ പോറ്റിയും സ്വകാര്യ സ്ഥാപന ഉടമയും തമ്മിലുണ്ടാക്കിയ ഗൂഢാലോചനയിലാണ് ഇത് നടന്നത്. അന്ന് ദേവസ്വം പ്രസിഡന്റായിരുന്ന പ്രശാന്തിനും ബോര്‍ഡ് അംഗങ്ങള്‍ക്കും ഇതില്‍ നേരിട്ട് പങ്കുണ്ടെന്നാണ് എസ്‌ഐടിയുടെ നിഗമനം.

എസ്‌ഐടി കസ്റ്റഡിയിലെടുക്കുന്നതിന് തൊട്ടുമുമ്പ്, താന്‍ അറസ്റ്റിലായേക്കുമെന്ന് പ്രശാന്ത് ഫേസ്ബുക്കില്‍ കുറിച്ചിരുന്നു. 

Police have officially recorded the arrest of P.S. Prashanth in connection with the Sabarimala gold heist case. The arrest marks a significant development in the ongoing investigation into the alleged theft, with authorities continuing to probe the circumstances surrounding the incident and the possible involvement of others. Further legal proceedings are expected as the investigation progresses.