പുല്‍പ്പള്ളി: ചീയമ്പം മാര്‍ബസ്സേലിയോസ് യാക്കോബായ സുറിയാനി പള്ളിയില്‍ പെരുന്നാല്‍ ഈമാസം 24-മുതല്‍ ഒക്‌ടോബര്‍ മൂന്നുവരെ നടക്കുമെന്ന് പള്ളി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. 24ന് രാവിലെ 11-15ന് പതാക ഉയര്‍ത്തും. തുടര്‍ന്ന് ബൈബിള്‍ കണ്‍വന്‍ഷന്‍ ഉദ്ഘാടനം നടക്കും.
ഒക്‌ടോബര്‍ ഒന്നിന് രാവിലെ 8.30ന് വിശുദ്ധ മൂന്നിന്മേല്‍ കുര്‍ബാന, 11.15ന് പൊതുസമ്മേളനം. കാന്‍സര്‍ രോഗികള്‍ക്കും, ഡയാലിസിസ് ചെയ്യുന്ന രോഗികള്‍ക്കുമുള്ള ധനസഹായ വിതരണം എന്നിവ നടക്കും.
ഒക്‌ടോബര്‍ രണ്ടിന് 12ന് സണ്‍ഡെസ്‌കൂള്‍ കുട്ടികളുടെ കലാമത്സരങ്ങള്‍ നടക്കും. രാത്രി 8.15ന് പെരുന്നാള്‍ റാസയും മൂന്നിന് ഉച്ചയോടെ വിവിധ തിരുകര്‍മങ്ങള്‍ക്ക് ശേഷം തിരുനാള്‍ സമാപിക്കും.
തിരുനാളിനോടനുബന്ധിച്ച് തീര്‍ഥാടന ടൂറിസത്തിന്റെ ഭാഗമായി പള്ളിയുടെ പരിസരത്ത് നടപ്പാക്കിയ വികസന പ്രവൃത്തികളുടെ ഉദ്ഘാടനവും ഇടവകയുടെ സമ്പൂര്‍ണ അവയവദാനത്തിന്റെ സമ്മതപത്ര സമര്‍പ്പണവും നടക്കും.
ഫാ.എല്‍ദൊ അതിരംപുഴയില്‍, ഫാ.ഷാന്‍ ജേക്കബ് ഐക്കരക്കുഴിയില്‍, എല്‍ദൊ ജോര്‍ജ്ജ് മാത്തോക്കില്‍, പി.വൈ എല്‍ദോസ് പരത്തുവയലില്‍, സിജുപൗലോസ് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.