ഇ പത്മനാഭനെ അനുസ്മരിച്ചു

backup

September 19 2016 | 03:09 AM

%e0%b4%87-%e0%b4%aa%e0%b4%a4%e0%b5%8d%e0%b4%ae%e0%b4%a8%e0%b4%be%e0%b4%ad%e0%b4%a8%e0%b5%86-%e0%b4%85%e0%b4%a8%e0%b5%81%e0%b4%b8%e0%b5%8d%e0%b4%ae%e0%b4%b0%e0%b4%bf%e0%b4%9a%e0%b5%8d%e0%b4%9a%e0%b5%81

തൊടുപുഴ: കേരള എന്‍ജിഒ യൂണിയന്റെ സ്ഥാപക നേതാക്കളില്‍ പ്രമുഖനും ദീര്‍ഘകാലം സംഘടനയുടെ ജനറല്‍ സെക്രട്ടറിയും പ്രസിഡന്റുമായി പ്രവര്‍ത്തിച്ച ഇ പത്മനാഭന്റെ 26-ാം ചരമദിനം കേരള എന്‍ജിഒ യൂണിയന്‍ നേതൃത്വത്തില്‍ വിപുലമായി ആചരിച്ചു.
ജില്ലയില്‍ ഏരിയാകേന്ദ്രങ്ങളില്‍ പതാക ഉയര്‍ത്തലും ജില്ലാ കമ്മറ്റിയുടെ നേതൃത്വത്തില്‍ 'വര്‍ഗീയത സമകാലിക പ്രശ്‌നങ്ങളും പ്രതിരോധവും' എന്ന വിഷയത്തില്‍ തൊടുപുഴയില്‍ സെമിനാറും നടത്തി.
ജില്ലാ പ്രസിഡന്റ് എസ് സുനില്‍കുമാറിന്റെ അധ്യക്ഷതയില്‍ നടന്ന സെമിനാര്‍ കര്‍ഷക തൊഴിലാളി യൂണിയന്‍ ജില്ലാ ജോയിന്റ് സെക്രട്ടറി കെ വി സണ്ണി ഉദ്ഘാടനം ചെയ്തു. എന്‍ജിഒ യൂണിയന്‍ സംസ്ഥാന സെക്രട്ടറി എന്‍ കൃഷ്ണപ്രസാദ് അനുസ്മരണ പ്രഭാഷണം നടത്തി. സംസ്ഥാന സെക്രട്ടറിയേറ്റംഗം ടി എം ഹാജറ, ജില്ലാ സെക്രട്ടറി സി വിനോബ എന്നിവര്‍ പ്രസംഗിച്ചു.
തൊടുപുഴയില്‍ ഈസ്റ്റ് ഏരിയ പ്രസിഡന്റ് പി എസ് രാജേഷ് ബാബു പതാക ഉയര്‍ത്തി അനുസ്മരണ പ്രഭാഷണവും നടത്തി. ഈസ്റ്റ് ഏരിയാ സെക്രട്ടറി പി എം റഫീഖ്, വൈസ് പ്രസിഡന്റ് തോമസ് മാത്യു എന്നിവര്‍ സംസാരിച്ചു. അടിമാലിയില്‍ ഏരിയാ പ്രസിഡന്റ് എം എന്‍ ബിജു പതാക ഉയര്‍ത്തി. ഇടുക്കിയില്‍ ഏരിയാ ട്രഷറര്‍ സി കെ ശിവദാസ് പതാക ഉയര്‍ത്തി, ജി ഷിബു സംസാരിച്ചു. നെടുങ്കണ്ടത്ത് കെ കെ ശിവന്‍കുട്ടി പതാക ഉയര്‍ത്തി. എം ശിവന്‍കുട്ടി സംസാരിച്ചു. പീരുമേട്ടില്‍ ഏരിയാ പ്രസിഡന്റ് കെ സുരേഷ് കുമാര്‍ പതാക ഉയര്‍ത്തി.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."