തിരുവനന്തപുരം: ഓണം ഘോഷയാത്രയില്‍ തിരുവനന്തപുരം മെഡിക്കല്‍ കോളജ്  'മസ്തിഷ്‌ക മരണവും അവയവ ദാനവും' എന്ന വിഷയത്തെ ആസ്പദമാക്കി തയ്യാറാക്കിയ ഫ്‌ളോട്ടിന് സര്‍ക്കാര്‍ വകുപ്പുകളുടെ ഫ്‌ളോട്ടുകളില്‍ രണ്ടാം സ്ഥാനം തന്നെയാണെന്ന് സ്ഥിരീകരണം.
മൂന്നാം സ്ഥാനമാണെന്ന് വാര്‍ത്തകള്‍ വന്നിരുന്നു. സര്‍ക്കാര്‍ ഫ്‌ളോട്ടുകളില്‍ ഒന്നാം സ്ഥാനം ഫാം ഇന്‍ഫര്‍മേഷന്‍ ബ്യൂറോക്കായിരുന്നു.  കേരള പൊലിസിന്റെ  ഫ്‌ളോട്ടും മെഡിക്കല്‍ കോളജിന്റെ ഫ്‌ളോട്ടും തുല്യ പോയിന്റുകള്‍ നേടി രണ്ടാം സ്ഥാനം പങ്കിട്ടു. പ്രശസ്ത ആര്‍ട്ട് ഡയറക്ടറായ മനോജ് തോട്ടപ്പള്ളിയും 15 കലാകാരന്‍മാരും ചേര്‍ന്നാണ് ഫ്‌ളോട്ട് അണിയിച്ചൊരുക്കിയത്.