മനാമ: സമസ്ത ബഹ്‌റൈന്‍ കേന്ദ്ര കമ്മറ്റിക്കു കീഴില്‍ ബഹ്‌റൈനില്‍ നിന്നു പുറപ്പെട്ട ഹജ്ജ് സംഘം കഴിഞ്ഞ ദിവസം മനാമയില്‍ തിരിച്ചെത്തി.

മനാമ ഗോള്‍ഡ് സിറ്റിയില്‍ പ്രവര്‍ത്തിക്കുന്ന സമസ്ത ബഹ്‌റൈന്‍ ആസ്ഥാനത്ത് ഇവര്‍ക്ക് നല്‍കിയ സ്വീകരണ ചടങ്ങില്‍ സമസ്ത ബഹ്‌റൈന്‍ കേന്ദ്ര ഏരിയാ നേതാക്കളും പോഷക സംഘടനാ പ്രതിനിധികളും സംബന്ധിച്ചു.

സ്വീകരണ ചടങ്ങ് കോ ഓര്‍ഡിനേറ്റര്‍ ഉമറുല്‍ ഫാറൂഖ് ഹുദവി ഉദ്ഘാടനം ചെയ്തു. ജനറല്‍ സെക്രട്ടറി എസ്.എം അബ്ദുല്‍ വാഹിദ് അദ്ധ്യക്ഷത വഹിച്ചു. ഹജ്ജ് അമീര്‍ ഹാഫിള് ശറഫുദ്ധീന്‍ മുസ്‌ലിയാര്‍ മറുപടി പ്രസംഗവും പ്രാര്‍ത്ഥനയും നടത്തി.

അബ്ദുറഊഫ് ഫൈസി, ഖാസിം മുസ്‌ലിയാര്‍, റഹ് മാനി, ശറഫുദ്ധീന്‍ മാരായമംഗലം, അബ്ദുല്‍ അസീസ് വില്യാപ്പള്ളി, മുഹമ്മദലി കണ്ണൂര്‍, അബ്ദുല്‍ ഹമീദ്, ഹനീഫ ഹുസൈന്‍ മലപ്പുറം എന്നിവര്‍ പ്രസംഗിച്ചു.
 
ഖാലിദ് ഹാജി, സുലൈമാന്‍ മുസ്‌ലിയാര്‍, ഇസ്മാഈല്‍ കണ്ണൂര്‍, നിസാമുദ്ധീന്‍ മാരായ മംഗലം തുടങ്ങിയവര്‍ സംബന്ധിച്ചു.ശഹീര്‍ കാട്ടാമ്പള്ളി സ്വാഗതവും സജീര്‍ പന്തക്കല്‍ നന്ദിയും പറഞ്ഞു.