അങ്കാറ: തുര്‍ക്കിയുടെ തലസ്ഥാനമായ അങ്കാറയിലെ ഇസ്രാഈല്‍ എംബസിയില്‍ കത്തി ആക്രമണത്തിനെത്തിയ അക്രമിയെ പൊലിസ് വെടിവച്ചു വീഴ്ത്തി. 30 സെന്റിമീറ്റര്‍ നീളമുള്ള കത്തിയുമായി ഇസ്രാഈല്‍ വിരുദ്ധ മുദ്രാവാക്യങ്ങളുമായെത്തിയ തുര്‍ക്കി യുവാവിനെ ലോക്കല്‍ ഗാര്‍ഡ് വെടിവയ്ക്കുകയായിരുന്നു.
അക്രമിയുടെ കാലിന് പരുക്കേറ്റിട്ടുണ്ട്. 41 കാരനായ ഒസ്മാന്‍ നൂറി കാലിസ്‌കാനാണ് കത്തിയുമായെത്തിയത്. പ്രതി മാനസികരോഗിയാണെന്നും ഇയാള്‍ക്ക് ഒരു സംഘടനയുമായും ബന്ധമില്ലെന്നും അങ്കാറ ഗവണ്‍മെന്റ് അറിയിച്ചു.