കാസര്‍കോട്: വാഹനപരിശോധന നടത്തുന്നതിനിടെ പൊലിസുകാരനു നേരെ അക്രമം. അക്രമ സംഭവത്തില്‍ കണ്ടാലറിയാവുന്ന 10 പേര്‍ക്കെതിരേ പൊലിസ് കേസെടുത്തു. റോഡരികില്‍ നിര്‍ത്തിയിട്ട ബൈക്കിന്റെ നമ്പര്‍ കുറിച്ചെടുക്കുന്നതിനിടെയാണ് ഒരു സംഘമാള്‍ക്കാര്‍ പൊലിസുകാരനു നേരെ അക്രമം നടത്തിയത്. ചൊവ്വാഴ്ച രാത്രി 10 മണിയോടെ പഴയ ചൂരിയില്‍ വച്ചാണു സംഭവം.
എ.ആര്‍ ക്യാംപിലെ സിവില്‍ പൊലിസ് ഓഫിസര്‍ സന്തോഷി(35)നാണു മര്‍ദനമേറ്റത്. പഴയ ചൂരി റോഡരികില്‍ നിര്‍ത്തിയിട്ട ബൈക്കിന്റെ നമ്പര്‍ കുറിച്ചെടുക്കുന്നതിനിടെ ഒരു സംഘം അക്രമിക്കുകയായിരുന്നുവത്രെ. ബൈക്കിലെത്തിയ രണ്ടു പേര്‍ ഉള്‍പ്പെടെ 10 പേര്‍ക്കെതിരേയാണ് കേസ്.
പട്രോളിങ് നടത്തുകയായിരുന്ന പൊലിസിന്റെ ഔദ്യോഗിക കൃത്യനിര്‍വഹണം തടസ്സപ്പെടുത്തിയതിനാണു കേസ്.
.