ചങ്ങരംകുളം: കോക്കൂര്‍ ഗവണ്‍മെന്റ് ഹയര്‍ സെക്കന്‍ഡറി സ്‌കൂളിന്റെ പ്രവര്‍ത്തന മികവിനെ ആദരിക്കും.  ഇന്നു രാവിലെ 11നു നിയമസഭാ സ്പീക്കര്‍ പി. ശ്രീരാമകൃഷ്ണന്‍ പുരസ്‌കാരം നല്‍കും. കഴിഞ്ഞ എസ.് എസ് .എല്‍ .സി പരീക്ഷയില്‍ ഉപജില്ലയില്‍ ഒന്നാം സ്ഥാനത്തെത്തിയ കോക്കൂര്‍ സ്‌കൂളിനു ദുബൈ കോക്കൂര്‍ പ്രവാസി കൂട്ടായ്മയാണു പുരസ്‌കാരം ഏര്‍പ്പെടുത്തിയത്.
 അതോടൊപ്പം ഉപജില്ലാ സുബ്രതോ കപ്പ് ഫുട്ബാള്‍ മത്സരത്തില്‍ ഈ വര്‍ഷം ഒന്നാം സ്ഥാനം കരസ്ഥമാക്കിയ കോക്കൂര്‍ സ്‌കൂളിനു യു എ. ഇ അലുമ്‌നി കമ്മിറ്റി ഏര്‍പ്പെടുത്തിയ പ്രത്യേക പുരസ്‌കാരവും സ്പീക്കര്‍ നല്‍കുന്നുണ്ട്. പി.ടി.എ പ്രസിഡന്റ് മുജീബ് കോക്കൂര്‍ അധ്യക്ഷനാകും. ബ്ലോക്ക് പഞ്ചായത്ത് പ്രസിഡന്റ് പി. എം ആറ്റുണ്ണി തങ്ങള്‍, ഗ്രാമപഞ്ചായത്ത് പ്രസിഡന്റ് വി.കെ അയിഷ എന്നിവര്‍ അതിഥികളാകും. ജില്ലാ പഞ്ചായത്ത് അനുവദിച്ച കംപ്യൂട്ടറുകളുടെ വിതരണോദ്ഘാടനം ജില്ലാ പഞ്ചായത്ത് മെമ്പര്‍ അഡ്വ. എം.ബി ഫൈസല്‍ നിര്‍വഹിക്കും. അഷ്‌റഫ് കോക്കൂര്‍, സി. എ കുഞ്ഞിമോന്‍, പി.ടി സുബ്രഹ്മണ്യന്‍, ഗ്രാമബ്ലോക്ക് പഞ്ചായത്ത് മെംബര്‍മാര്‍ ആശംസ നേരും.