ആലപ്പുഴ:  ബിജെപിയുമായി ഭിന്നതയുണ്ടെന്ന സൂചന നല്‍കി എസ്എന്‍ഡിപി
യോഗം ജനറല്‍ സെക്രട്ടറി വെള്ളാപ്പള്ളി നടേശന്‍.  ബിജെപി നേതൃത്വം വാഗ്ദാനങ്ങള്‍ പാലിച്ചില്ലെന്ന് വെള്ളാപ്പള്ളി പറഞ്ഞു.

അണികള്‍ക്ക് ഇക്കാര്യത്തില്‍ അതൃപ്തിയുണ്ട്. ഒരുപാട് വാഗ്ദാനങ്ങള്‍ ബിജെപി നല്‍കിയിരുന്നു. എന്നാല്‍ അതില്‍ ഒരു തീരുമാനവും ഉണ്ടായില്ല. അതിനാല്‍ അണികള്‍ നിരാശരാണ്. വാക്കുതന്നത് നടപ്പിലാക്കാതിരിക്കുന്നത് ബിജെപിയിലെ ഗ്രൂപ്പിസത്തിന്റെ ഭാഗമാണെന്നും വെള്ളാപ്പള്ളി പറഞ്ഞു.


എന്നാല്‍ ബിജെപി- ബിഡിജെഎസ് ബന്ധത്തില്‍ ഉലച്ചില്‍ തട്ടിയിട്ടില്ലെന്ന് തുഷാര്‍ വെള്ളാപ്പള്ളി പറഞ്ഞു. ചില വാഗ്ദാനങ്ങള്‍ ബിജെപി പാലിച്ചില്ലെന്നത് ശരിയാണ്. മറ്റുള്ളതെല്ലാം മാധ്യമ സൃഷ്ടിയാണെന്നും തുഷാര്‍ പറഞ്ഞു. ഇന്ന് ബിഡ്‌ജെഎസ് ഇതു ചര്‍ച്ചചെയ്യാന്‍ യോഗം ചേരുന്നുണ്ട്.


എന്നാല്‍ കേരളത്തിലെ എന്‍ഡിഎയില്‍ യാതൊരു ഭിന്നതയും ഇല്ലെന്ന് ബിജെപി അധ്യക്ഷന്‍ കുമ്മനം രാജശേഖരന്‍ അഭിപ്രായപ്പെട്ടു.