പാലക്കാട്: കുഞ്ഞുങ്ങള്‍ ലഭിക്കാതെ മാനസിക പിരിമുറക്കത്തില്‍ കഴിയുന്നവര്‍ക്ക് ആശ്വാസം പകരാന്‍ കോയമ്പത്തൂര്‍ സുധാ ഹോസ്പിറ്റല്‍, കേരള വ്യാപാരി വ്യവസായി ഏകോപന സമിതി പാലക്കാട് ടൗണ്‍ യൂനിറ്റുമായി സഹകരിച്ച് സൗജന്യ വന്ധ്യത ചികിത്സ മെഡിക്കല്‍ ക്യാംപ് സംഘടിപ്പിക്കുന്നു. ഇന്ന് രാവിലെ 8.30 മുതല്‍ വൈകുന്നേരം 3.30 മണിവരെ പാലക്കാട് കെ.എസ്.ആര്‍.ടി.സിക്ക് സമീപമുള്ള ടോപ് ഇന്‍ ടൗണ്‍ ഓഡിറ്റോറിയത്തില്‍ വെച്ചാണ് ക്യാംപ് നടത്തുന്നത്. ക്യാംപിന്റെ ഉദ്ഘാടനം രാവിലെ 9.45 ന് എം.അസ്സന്‍ മുഹമ്മദ് ഹാജിയുടെ അധ്യക്ഷതയില്‍. ജോബി.വി.ചുങ്കത്ത് നിര്‍വ്വഹിക്കും.
കോയമ്പത്തൂര്‍ സുധാ ഹോസ്പിറ്റല്‍ ഡോ. എസ്. ധാനഭാഗ്യം, ഡോ. എസ്. പ്രതിഭാ, ഡോ. ആര്‍. കുമാരസ്വാമി എന്നിവര്‍ ക്യാംപിന് നേതൃത്വം നല്‍കും. സമൂഹത്തിന് ഉപകാരപ്രദമായ സേവന പ്രവര്‍ത്തനങ്ങളില്‍ ഏര്‍പ്പെടുക എന്ന സംഘടനയുടെ പ്രഖ്യാപിത ലക്ഷ്യം മുന്‍ നിര്‍ത്തിയാണ് ഈ ക്യാംപ് സംഘടിപ്പിക്കുന്നതെന്ന് ഭാരവാഹികള്‍ പറഞ്ഞു. വന്ധ്യത ചികിത്സയ്ക്ക് വലിയ സാമ്പത്തിക ചിലവുകള്‍ കാരണം ബുദ്ധിമുട്ട് അനുഭവിക്കുന്നവര്‍ക്ക് സൗജന്യ ക്യാംപ് ആശ്വാസം ലഭിക്കുമെന്നും അവര്‍ കൂട്ടിചേര്‍ത്തു. ക്യാംപില്‍ പങ്കെടുക്കാന്‍ ആഗ്രഹിക്കുന്നവര്‍ ഈ നമ്പറില്‍ ബന്ധപ്പെടുക. ഫോണ്‍: 9847239410, 09994239052, 0422- 4270373.