ന്യൂഡല്‍ഹി: ഇസ്രത് ജഹാന്‍ വ്യാജ ഏറ്റുമുട്ടല്‍ കേസില്‍ പ്രധാന രേഖകള്‍ ആഭ്യന്തര മന്ത്രാലയത്തില്‍ നിന്ന് കാണാതായതുമായി ബന്ധപ്പെട്ട് ഡല്‍ഹി പൊലിസ് പുതിയ എഫ്.ഐ.ആര്‍ രജിസ്റ്റര്‍ ചെയ്തു. അന്വേഷണ കമ്മീഷനില്‍ നിന്ന് കേസിന്റെ പഴയ രേഖകള്‍ നഷ്ടപ്പെട്ടെന്ന റിപ്പോര്‍ട്ടിനെത്തുടര്‍ന്നാണ് പുതിയ എഫ്.ഐ.ആര്‍ രജിസ്റ്റര്‍ ചെയ്തത്. ആഭ്യന്ത്ര മന്ത്രാലയവും ഡല്‍ഹി സന്‍സ്ത മാര്‍ഗ് പൊലിസും ചേര്‍ന്നാണ് എഫ്.ഐ.ആര്‍ രജിസ്റ്റര്‍ ചെയ്തത്.

ആഭ്യന്തരമന്ത്രാലയ അണ്ടര്‍ സെക്രട്ടറി വി.കെ. ഉപപാധ്യായ ആണ് ഫയലുകള്‍ കാണാതായതു സംബന്ധിച്ചു പൊലിസില്‍ പരാതി നല്‍കിയത്.
ഇസ്രത് ജഹാന്‍, ജാവേദ് ഷെയ്ഖ് എന്ന പ്രാണേഷ് പിള്ള, അംജദ് അലി അക്ബറലി റാണ, സീഷാന്‍ ജോഹര്‍ എന്നിവരെ 2004 ജൂണ്‍ 15ന് ഗുജറാത്ത് പൊലിസ് വ്യാജ ഏറ്റുമുട്ടലില്‍ കൊലപ്പെടുത്തിയിരുന്നു.