തിരുവനന്തപുരം: സ്വാശ്രയ മെഡിക്കല്‍ ദന്തല്‍ കോളജുകളിലെ ക്രമാതീതമായ ഫീസ് വര്‍ധനവ് പിന്‍വലിക്കുക, പാഠപുസ്തകം, യൂണിഫോം വിതരണം പൂര്‍ത്തിയാക്കുക തുടങ്ങിയ ആവശ്യങ്ങള്‍ ഉന്നയിച്ചുകൊണ്ട് ഇന്ന് എം.എസ്.എഫ് സംസ്ഥാന കമ്മിറ്റിയുടെ നേതൃത്വത്തില്‍ വിചാരണ സദസ്സും പ്രതിഷേധ സംഗമവും നടത്തും. പരിപാടിയില്‍ സര്‍ക്കാരിനെതിരേയുള്ള പ്രതീകാത്മകമായ വിചാരണയും കുറ്റപത്രവും അവതരിപ്പിക്കും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. ചടങ്ങില്‍ യു.ഡി.എഫ് നേതാക്കള്‍, എം.എല്‍.എമാര്‍, മറ്റു ജനപ്രതിനിധികള്‍ എന്നിവര്‍ പങ്കെടുക്കുമെന്നു എം.എസ്.എഫ് സംസ്ഥാന പ്രസിഡന്റ് മിസ് ഹബ് കീഴരിയൂര്‍, ജനറല്‍ സെക്രട്ടറി എം.പി നവാസ് അറിയിച്ചു.