നിലമ്പൂര്‍: വില്‍പനക്കുള്ള 60 പൊതി കഞ്ചാവുമായി രണ്ടു യുവാക്കള്‍ എക്‌സൈസ് അധികൃതരുടെ പിടിയിലായി. മുതുകാട് മഠത്തില്‍ ഇബ്രാഹീം (30), അമരമ്പലം തരിശിലെ വെളുത്ത കണക്കന്‍ ഷാജി (25) എന്നിവരെയാണ് എ.ഇ.ഐ എന്‍.അശോകന്‍ അറസ്റ്റ് ചെയ്തത്.
മഞ്ചേരിയില്‍ നിന്ന് പൊതിക്ക് 250 രൂപ നിരക്കില്‍ വാങ്ങി 400 രൂപക്കാണ് വില്‍പന നടത്തുന്നതെന്ന് പ്രതികള്‍ മൊഴി നല്‍കിയതായി അധികൃതര്‍ പറഞ്ഞു. പ്രധാനമായും മാമ്പൊയില്‍, തരിശ് ഭാഗങ്ങളിലാണ് വില്‍പന. പ്രിവന്റീവ് ഓഫിസര്‍ ജോര്‍ജ് തോമസ്, സി.ഇ.ഒമാരായ എം.ഹരികൃഷ്ണന്‍, റെജി തോമസ്, ബാബു ജെയിംസ്, അരുണ്‍ കുമാര്‍, സി.സുഭാഷ്, കെ.കെ.ഗോപിനാഥന്‍, ഇ.ടി.ജയാനന്ദന്‍ എന്നിവര്‍ ചേര്‍ന്നാണ് പിടികൂടിയത്.
പ്രതികളെ കോടതിയില്‍ ഹാജരാക്കി.