പാങ്ങ്: സമസ്ത പ്രസിഡന്റായിരുന്ന പാങ്ങില്‍ അഹമ്മദ്കുട്ടി മുസ്‌ലിയാരുടെ ഉറൂസ് ഇന്നു വൈകുന്നേരം നാലു മുതല്‍ പാങ്ങ് വലിയ  ജുമാമസ്ജിദ് പരിസരത്ത് നടക്കും. നാലിന് നടക്കുന്ന സിയാറത്തിന് ചാപ്പനങ്ങാടി വി.കുഞ്ഞുട്ടി മുസ്‌ലിയാര്‍ നേതൃത്വം നല്‍കും. എ.പി അബ്ദുറഹിമാന്‍ മുസ്‌ലിയാര്‍ അല്‍ ഖാസിമി പതാക ഉയര്‍ത്തും. മൗലിദ് പാരായണത്തിന് അലി സഖാഫി ചുങ്കത്തറയും മജ്‌ലിസുന്നൂര്‍ സദസിന് അബ്ദുല്‍ അസീസ് ഫൈസി അരിപ്രയും നേതൃത്വം നല്‍കും. വൈകുന്നേരം ഏഴിന് അനുസ്മരണ സമ്മേളനം സമസ്ത സെക്രട്ടറി കെ.ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. അത്തിപ്പറ്റ മൊയ്തീന്‍കുട്ടി മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും.
അബ്ദുസമദ് പൂക്കോട്ടുര്‍ അനുസ്മരണ പ്രഭാഷണം നടത്തും. പ്രാര്‍ഥനാ സമ്മേളനത്തിന് പാണക്കാട് സയ്യിദ് സാബിഖലി ശിഹാബ് തങ്ങള്‍ നേതൃത്വം നല്‍കും.
സയ്യിദ് ഫഖ്‌റുദ്ധീന്‍ തങ്ങള്‍ കണ്ണന്തളി, ആദൃശ്ശേരി ഹംസക്കുട്ടി മുസ്‌ലിയാര്‍, കാളാവ് സൈതലവി മുസ്‌ലിയാര്‍, അബ്ദുസമദ് ഫൈസി താനൂര്‍, ബാപ്പുട്ടി ഹാജി താനൂര്‍, കെ.പി.എ മജീദ്, എം.എല്‍.എമാരായ കെ.കെ ആബിദ് ഹുസൈന്‍ തങ്ങള്‍, ടി.എ അഹമ്മദ് കബീര്‍ സംബന്ധിക്കും. ഭക്ഷണ വിതരണവും നടക്കും.