എരുമപ്പെട്ടി: സാമൂഹിക ബോധവല്‍ക്കരണം ലക്ഷ്യമിട്ട് ഇസ്‌ലാമിക്ക് ഹാപ്പി ഹോം ട്രസ്റ്റ് നിര്‍മിച്ച പാഠങ്ങള്‍ എന്ന ഹോം സിനിമയുടെ ഡി.വി.ഡി പ്രകാശനം മുന്‍ എം.എല്‍.എ യും കലാ സാംസ്‌കാരിക പ്രവര്‍ത്തകനുമായ ബാബു.എം.പാലിശ്ശേരി നിര്‍വഹിച്ചു.
നിരാശ്രയ കുടുംബങ്ങളുടെ ഉന്നമനത്തിനായി പ്രവര്‍ത്തിക്കുന്ന ട്രസ്റ്റിന്റെ രണ്ട@ാമത്തെ സിനിമയാണ് പാഠങ്ങള്‍. സുജിത്ത് ഹുസൈനാണ് സിനിമയുടെ തിരക്കഥയും, എഡിറ്റിംഗും, സംവിധാനവും നിര്‍വഹിച്ചിരിക്കുന്നത്.
കഥ മജീദ് പുന്നയു, ഛായഗ്രഹണം നജീബ് ഷായുമാണ്. സുപ്രഭാതം ലേഖകനും നാടക-സിനിമാ പ്രവര്‍ത്തകനുമായ എ.എം റഷീദും, സനഫാത്തിമയും പ്രധാന കഥാപാത്രങ്ങളെ അവതരിപ്പിച്ചിരിക്കുന്ന സിനിമയില്‍ വര്‍ഗീസ് മൊയലന്‍, ഷംസു ഗുരുവായൂര്‍, രാജേഷ് അമ്പലപ്പാട്ട്, സണ്ണിമാധവന്‍, വിജയലക്ഷ്മി, മഹിത കൃഷ്ണ, ബേബി ഷിഫ്‌ന ഷെറിന്‍ തുടങ്ങിയവരാണ് അഭിനേതാക്കള്‍.
ട്രസ്റ്റ് ചെയര്‍മാന്‍ മജീദ് പുന്നയുടെ കൈയില്‍ നിന്ന് ഡി.വി.ഡി എറ്റുവാങ്ങി ബാബു.എം.പാലിശ്ശേരി പ്രകാശന കര്‍മം നിര്‍വഹിച്ചു. സംവിധായകന്‍ സുജിത്ത് ഹുസൈന്‍, എ എം റഷീദ്, വിപിന്‍ ദാസ്, നൗഷാദ് മമ്മി, രാജേഷ് അമ്പലപ്പാട്ട് ചടങ്ങില്‍ പങ്കെടുത്തു.