കൊടുങ്ങല്ലൂര്‍: ചന്തപ്പുര-കോട്ടപ്പുറം ബൈപ്പാസില്‍ മൂന്ന് ബൈക്കുകള്‍ തമ്മില്‍ പരസ്പരം കൂട്ടിയിടിച്ച് ആറ് വയസ്സുകാരന്‍ ഉള്‍പ്പെടെ അഞ്ച് പേര്‍ക്ക് പരുക്കേറ്റു. കാല്‍പാദത്തില്‍ സാരമായി പരുക്കേറ്റ മേത്തല കടുക്കച്ചുവട് കാത്തോളി അനില്‍കുമാര്‍ (35) നെ ആസ്റ്റര്‍ മെഡിസിറ്റയില്‍ പ്രവേശിപ്പിച്ചു. ഇയാളുടെ മകന്‍ ആദിത്യകൃഷ്ണ (6), തുരുത്തിപ്പുറം കടപ്പുശ്ശേരി ഉണ്ണി (41), എടവിലങ്ങ് സ്വദേശികളായ മാതിയേഴത്ത് നിഹാല്‍നജീബ് (20), തൗഫീഖ് (24) എന്നിവര്‍ക്കാണ് പരുക്കേറ്റത്. ഇവരെ കൊടുങ്ങല്ലൂരിലെ വിവിധ ആശുപത്രികളില്‍ പ്രവേശിപ്പിച്ചു. ഞായറാഴ്ച രാത്രി 11 മണിയോടെ ബൈപ്പാസിലെ സ്ഥിരം അപകടസ്ഥലമായ ചേരമാന്‍ മസ്ജിദ് ജംങ്ഷനിലാണ് അപകടം നടന്നത്.