സുല്‍ത്താന്‍ ബത്തേരി: വയനാട്ടിലെ വിവിധ ആവശ്യങ്ങളുന്നയിച്ച് ജനകീയ വേദിയുടെ നേതൃത്വത്തില്‍ പ്രധാനമന്ത്രിക്ക് നിവേദനം നല്‍കി. രാത്രിയാത്രാ നിരോധനം, റയില്‍വേ, ബൈരക്കുപ്പ പാലം, മദ്യനിരോധനം, കര്‍ഷകരുടെ കടങ്ങല്‍ എഴുതിത്തള്ളല്‍ തുടങ്ങി ഇരുപതോളം ആവശ്യങ്ങളുന്നയിച്ചാണ് കോഴിക്കോട്‌വച്ച് പ്രധാനമന്ത്രിക്ക് സമിതി ഭാരവാഹികളായ അബ്ദുല്ലക്കുട്ടി, ശിവദാസന്‍ ഇരുളം, പീറ്റര്‍ ഇരുളം, ജോര്‍ജ്ജ് സെബാസ്റ്റിയന്‍, പരീദ് എന്നിവര്‍ നിവേദനം നല്‍കിയത്.
ഇതിനൊപ്പം ദേശീയപാതയിലെ രാത്രിയാത്രാ നിരോധനത്തെ മറികടക്കാന്‍ വനത്തിനുള്ളില്‍ ജൈവപാലങ്ങള്‍ നിര്‍മിക്കാമെന്ന ആശയവും ഇവര്‍ പ്രധാനമന്ത്രിയുമായി പങ്കുവച്ചു. ഇത് സംബന്ധിച്ച് കേന്ദ്ര സര്‍ക്കാരിന്റെ വിവിധ വകുപ്പുകള്‍ക്കും സംസ്ഥാന സര്‍ക്കാരിന്റെ വിവിധ വകുപ്പുകള്‍ക്കും നിവേദനം നല്‍കാനുള്ള തയാറെടുപ്പിലാണ് തങ്ങളെന്നും ജനകീയവേദി ഭാരവാഹികള്‍ പറഞ്ഞു.