ചങ്ങരംകുളം: തുരുത്തുമ്മല്‍ കോള്‍പടവില്‍ പായലും പുല്ലും നിറഞ്ഞു. ഇത് കൃഷിയിറക്കാന്‍ അധികച്ചെലവ് വരത്തുമെന്ന ഭീതിയിലാണ് കര്‍ഷകര്‍. കഴിഞ്ഞ രണ്ട് വര്‍ഷങ്ങളിലും ബണ്ട് തകര്‍ന്ന് കൃഷിയിറക്കാന്‍ കഴിയാതിരുന്ന പടവില്‍ പുല്ല് വളര്‍ന്ന് കാട് മൂടിയാണ് കിടക്കുന്നത്.
ഇവ നീക്കം ചെയ്യാന്‍ കര്‍ഷകന് ഇരട്ടിച്ചെലവാണ് വഹിക്കേണ്ടി വരുന്നത്. ബണ്ട് തകര്‍ന്ന കര്‍ഷകന് രണ്ടുവര്‍ഷമായി ഒരു നഷ്ടപരിഹാരവും ലഭിച്ചിട്ടില്ല. നഷ്ടം സഹിച്ച് വീണ്ടും കൃഷിയിറക്കാന്‍ ഒരുങ്ങുന്ന കര്‍ഷകര്‍ക്ക് പുല്ലും പായലും നീക്കം ചെയ്യാന്‍ സഹായധനം അനുവദിക്കുകയോ തൊഴിലുറപ്പ് തൊഴിലാളികളെ ഉള്‍പ്പെടുത്തി നീക്കം ചെയ്യുകയോ വേണമെന്ന ആവശ്യം ശക്തമായിട്ടുണ്ട്.