മലപ്പുറം: ഇന്ദിരാഗാന്ധി മെമ്മോറിയല്‍ ഗ്രാമവികസന സമിതി വിദ്യാര്‍ഥികള്‍ക്കായി ക്വിസ്, ഉപന്യാസ മത്സരം നടത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. കോട്ടക്കല്‍ ആര്യവൈദ്യശാല റോഡിലുള്ള ജി.എം.യു.പി സ്‌കൂളില്‍ ഒക്ടോബര്‍ രണ്ടിന് രാവിലെ 10.30ന് മത്സരങ്ങള്‍ നടക്കും. യു.പി, ഹൈസ്‌കൂള്‍, ഹയര്‍സെക്കന്‍ഡറി, കോളജ് തലങ്ങളിലാണ് മത്സരം. പങ്കെടുക്കാന്‍ താല്‍പര്യമുള്ളവര്‍ രാവിലെ 10നകം നേരിട്ടെത്തണം. ഗാന്ധിജിയും ഇന്ത്യന്‍ സ്വാതന്ത്ര്യസമരവും വിഷയമാക്കിയാണ് ക്വിസ് മത്സരം. ഇന്ത്യയുടെ പുരോഗതിയില്‍ ഗാന്ധിയന്‍ ദര്‍ശനം എന്നതാണ് ഉപന്യാസ വിഷയം.
വിജയികള്‍ക്ക് ട്രോഫികളും സര്‍ട്ടിഫിക്കറ്റും സമ്മാനങ്ങളുമുണ്ടാവും. മത്സര ശേഷം പുത്തൂര്‍ബൈപ്പാസ് റോഡരികില്‍ വൃക്ഷതൈ നടും. കൂടുതല്‍ വിവരങ്ങള്‍ക്ക് 9447867197 നമ്പറില്‍ ബന്ധപ്പെടണം. വാര്‍ത്താ സമ്മേളനത്തില്‍ കെ.എം അബ്ദു, ചെമ്മുക്കന്‍ ബീരാന്‍ എന്നിവര്‍ പങ്കെടുത്തു.