ന്യൂഡല്‍ഹി: യോഗ്യരായ, നോണ്‍ ഗസറ്റഡ് ജീവനക്കാര്‍ക്ക് 78 ദിവസത്തെ ശമ്പളത്തിന് തുല്യമായ തുക ബോണസ് നല്‍കാന്‍ പ്രധാനമന്ത്രി നരേന്ദ്രമോദിയുടെ അധ്യക്ഷതയില്‍ ചേര്‍ന്ന കേന്ദ്ര മന്ത്രിസഭാ യോഗം തീരുമാനിച്ചു.
ഇതിന് ഏകദേശം 2090.96 കോടി രൂപ ചെലവു വരുമെന്നാണ് കണക്കാക്കുന്നത്. ദസറപൂജ അവധികള്‍ക്കു മുമ്പായി ബോണസ് നല്‍കാനാണ് തീരുമാനം.
സെന്‍ട്രല്‍ ബോര്‍ഡ് ഓഫ് എക്‌സൈസ് ആന്‍ഡ് കസ്റ്റംസിന്റെ 'സക്ഷം' പദ്ധതിക്കും കേന്ദ്ര മന്ത്രിസഭ അനുമതി നല്‍കി. 2256 കോടി രൂപ മൊത്തം ചെലവു വരുന്ന പദ്ധതി ഏഴ് വര്‍ഷങ്ങള്‍ കൊണ്ടാണ് നടപ്പാക്കുക.