ആനക്കര: വെള്ളാളൂര്‍ സ്‌നേഹാലയത്തിന് സമീപം ടിപ്പര്‍ ലോറി തലകീഴായി മറിഞ്ഞു. വന്‍ അപകടം ഒഴിവായി. റോഡിന് മുകളില്‍ നിന്ന് മണ്ണെടുത്ത് ഇറങ്ങി വരുകയായിരുന്ന ജെ.സി.ബിയില്‍ തട്ടിയാണ് ടിപ്പര്‍ ലോറി തലകീഴായി സമീപത്തെ പറമ്പിലേക്ക് മറിഞ്ഞത്. ജെ.സി.ബിയുടെ മുന്‍വശം റോഡിലേക്ക് തള്ളി നിന്നതിനാല്‍ എന്ഡജിനിയര്‍ റോഡ് ഭാഗത്ത് നിന്ന് വന്ന ടിപ്പര്‍ ലോറിയുടെ ശ്രദ്ധയില്‍പ്പെടാതിരുന്നതാണ് അപകടത്തിന് കാരണമെന്ന് നാട്ടുകാര്‍ പറഞ്ഞു. റോഡിന്റെ കോണ്‍ഗ്രീറ്റ് കൈവരികള്‍ തകര്‍ത്താണ് ടിപ്പര്‍ ലോറി മറിഞ്ഞത്. കരിങ്കല്ല് കയറ്റി വരുകയായിരുന്ന ലോറിയാണ് അപകടത്തില്‍പ്പെട്ടത്. സ്‌കൂള്‍ സമയങ്ങളില്‍ ടിപ്പര്‍ ലോറികള്‍ അമിത വേഗതയിലാണ് പോകുന്നതെന്ന് നാട്ടുകാര്‍ക്ക് പരാതിയുണ്ട്.