തിരുവനന്തപുരം: ഹൈക്കോടതിയില്‍ നിന്ന് മാധ്യമപ്രവര്‍ത്തകരെ തടഞ്ഞത് വേദനാജനകമെന്ന് മന്ത്രി ശശീന്ദ്രന്‍. മാധ്യമ സ്വാതന്ത്ര്യം ഹനിക്കുന്ന നിലപാടില്‍ നിന്നും അഭിഭാഷകര്‍ പിന്മാറണമെന്നും ശശീന്ദ്രന്‍ പറഞ്ഞു.

ഇന്നലെ ഹൈക്കോടതിയിലെത്തിയ മാധ്യമപ്രവര്‍ത്തകരെ ചീഫ് ജസ്റ്റിസിന്റെ കോടതിക്ക് മുമ്പില്‍ അഭിഭാഷകര്‍ തടഞ്ഞിരുന്നു. തുടര്‍ന്ന് ഭീഷണിപ്പെടുത്തുകയും പുറത്താക്കുകയും ചെയ്തിരുന്നു. പുറത്തുപോയില്ലെങ്കില്‍ തല്ലുമെന്ന് ഭീഷണിപ്പെടുത്തിയിരുന്നു. ഈ സംഭവത്തോട് പ്രതികരിക്കുകയായിരുന്നു മന്ത്രി.
സംഭവത്തില്‍ ചീഫ് ജസ്റ്റിസിന്റെ നിര്‍ദേശപ്രകാരം രജിസ്ട്രാര്‍ക്ക് മാധ്യമപ്രവര്‍ത്തകര്‍ പരാതി നല്‍കിയിരുന്നു.