നാദാപുരം: ഉപജില്ലാ ശാസ്ത്ര, ഗണിതശാസ്ത്ര, സാമൂഹ്യശാസ്ത്ര, പ്രവൃത്തി പരിചയ, ഐ.ടി മേള 26, 27 തിയതികളില്‍ കല്ലാച്ചി ഗവ. ഹയര്‍ സെക്കന്‍ഡറി സ്‌കൂളില്‍ നടക്കും.സ്വാഗത സംഘം രൂപീകരണ യോഗം ജില്ലാ പഞ്ചായത്ത് അംഗം അഹമ്മദ് പുന്നക്കല്‍ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് എം.കെ സഫീറ അധ്യക്ഷയായി.
ബ്ലോക്ക് പഞ്ചായത്ത് അംഗങ്ങളായ മണ്ടോടി ബഷീര്‍ മാസ്റ്റര്‍, സി.കെ റീന, ഉപജില്ലാ വിദ്യാഭ്യാസ ഓഫിസര്‍ യു. വിജയന്‍, ഗ്രാമപഞ്ചായത്ത് സ്ഥിരംസമിതി ചെയര്‍മാന്‍ മുഹമ്മദ് ബംഗ്ലത്ത്, മെമ്പര്‍മാരായ എം.പി സൂപ്പി, അഡ്വ. കെ.എം രഘുനാഥ്, എം.കെ അഷ്‌റഫ്, രാഷ്ട്രീയ പാര്‍ട്ടി നേതാക്കളായ അഡ്വ. എ. സജീവന്‍, സി. രവീന്ദ്രന്‍, പ്രിന്‍സിപ്പല്‍ ഇ.എം ബാലകൃഷ്ണന്‍, രാമചന്ദ്രന്‍ സംസാരിച്ചു.പഞ്ചായത്ത് പ്രസിഡന്റ് എം.കെ സഫീറ ചെയര്‍പേഴ്‌സനും, പ്രിന്‍സിപ്പല്‍ ഇ.എം ബാലകൃഷ്ണന്‍ ജനറല്‍ കണ്‍വീനറും, എ.ഇ.ഒ യു. വിജയന്‍ ട്രഷററുമായി സ്വാഗതസംഘം രൂപീകരിച്ചു.