പെരിന്തല്‍മണ്ണ: സഹജീവികളുടെ കണ്ണീരൊപ്പുന്നതിനും ആലംബഹീനരുടെ കൂടെ നില്‍ക്കാനും യുവസമൂഹം കൂടുതല്‍ ജാഗ്രത പുലര്‍ത്തണമെന്ന് ടി.എ അഹമ്മദ് കബീര്‍ എം.എല്‍.എ ആഹ്വാനം ചെയ്തു. എസ്.കെ.എസ്.എസ്.എഫ് സഹചാരി സെന്റര്‍ സമര്‍പ്പണങ്ങളുടെ ജില്ലാതല ഉദ്ഘാടനം അങ്ങാടിപ്പുറം വഴിപ്പാറയില്‍ നിര്‍വഹിച്ച് സംസാരിക്കുകയായിരുന്നു അദ്ദേഹം. സയ്യിദ് കെകെസിഎം തങ്ങള്‍ വഴിപ്പാറ അധ്യക്ഷനായി. എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ തങ്ങള്‍ ഹിജ്‌റ അനുസ്മരണ പ്രഭാഷണം നടത്തി. ആനമങ്ങാട് മുഹമ്മദ് കുട്ടി ഫൈസി, ജില്ലാ ജന. സെക്രട്ടറി ശഹീര്‍ അന്‍വരി പുറങ്ങ്, ശമീര്‍ ഫൈസി പുത്തനങ്ങാടി, ഉമ്മുല്‍ ഫാറൂഖ് കരിപ്പൂര്‍, വിഖായ ജില്ലാ ചെയര്‍മാന്‍ സല്‍മാന്‍ ഫൈസി തിരൂര്‍ക്കാട്,  ഉണ്ണീന്‍ കുട്ടി മുസ്‌ലിയാര്‍, കെടി അബ്ദുളള മുസ്‌ലിയാര്‍, ശംസാദ് സലീം നിസാമി കരിങ്കല്ലത്താണി, ഉസ്മാന്‍ ഫൈസി അരിപ്ര, ശബീര്‍ കറുമുക്കില്‍, സയ്യിദ് അബൂ ത്വാഹിര്‍ തങ്ങള്‍, ഹിഫ്‌ള് മുസ്ലിയാര്‍, അബ്ദുകുട്ടി, സാബിത്ത് ഫൈസി, റഫീഖ് ദാരിമി, സ്വാദിഖ് ഫൈസി, മുബാറക് ഹുദവി, സയ്യിദ് ബാപ്പു തങ്ങള്‍ തുടങ്ങിയവര്‍ സംബന്ധിച്ചു.