തിരുവനന്തപുരം: സ്വാശ്രയ മെഡിക്കല്‍ പ്രവേശനവിഷയത്തില്‍ മുഖ്യമന്ത്രി പിണറായി വിജയനെ യുവമോര്‍ച്ച പ്രവര്‍ത്തകര്‍ കരിങ്കൊടി കാണിച്ചു. ഗാന്ധിജയന്തി ദിനത്തില്‍ തിരുവനന്തപുരം ഗാന്ധിഭവനിലെ ഗാന്ധിപ്രതിമയില്‍ പുഷ്പാര്‍ച്ചന നടത്തിയശേഷം മടങ്ങുമ്പോഴാണ് ഏഴുപേര്‍ വരുന്ന യുവമോര്‍ച്ച പ്രവര്‍ത്തകര്‍ കരിങ്കൊടി കാണിച്ചത്.
പ്രവര്‍ത്തകര്‍ മുഖ്യമന്ത്രിയുടെ വാഹനത്തിന് പിന്നാലെ കരിങ്കൊടിയുമായി ഓടുകയായിരുന്നു. പ്രവര്‍ത്തകരെ പൊലിസ് അറസ്റ്റുചെയ്തു നീക്കി. പ്രതിഷേധം കണക്കിലെടുത്തു മുഖ്യമന്ത്രി മറ്റൊരു ഗേറ്റിലൂടെ പുറത്തേക്കുപോയി.