താമരശ്ശേരി: ശമ്പളം  ലഭിക്കാത്തതില്‍ പ്രതിഷേധിച്ച് ട്രാന്‍സ്‌പോര്‍ട്ട് ഡെമോക്രാറ്റിക് ഫെഡറേഷന്റെ നേതൃത്വത്തില്‍ കെ.എസ്.ആര്‍.ടി.സി താമരശ്ശേരി ഡിപ്പോയില്‍ അനിശ്ചിത കാല നിരാഹാര സത്യാഗ്രഹം ആരംഭിച്ചു. കോണ്‍ഗ്രസ് മണ്ഡലം പ്രസിഡണ്ടന്റ് നവാസ് ഇര്‍പ്പോണ ഉദ്ഘാടനം ചെയ്തു. യൂനിയന്‍ ജില്ലാ പ്രസിഡന്റ് വി.ഡി പ്രേമരാജന്‍ അധ്യക്ഷനായി. എ.അരവിന്ദന്‍, കെ.വി ഷെബീര്‍, എം.യു അക്ബര്‍, സി.കെ സുനില്‍, എ.മനോജ്, കെ.കെ സുരേഷ്, ഇ. സുനില്‍  സംസാരിച്ചു.  യൂനിറ്റ് പ്രസിഡന്റ് പി.പി അബ്ദുല്‍ ലത്തീഫും സെക്രട്ടറി വി. ഷനോദുമാണ് നിരാഹാര സമരം അനുഷ്ഠിക്കുന്നത്.