ചേര്‍ത്തല: മദ്യ-മയക്കുമരുന്ന് മാഫിയക്കെതിരെ വാര്‍ഡ്തല ജാഗ്രത സമിതികള്‍ രൂപീകരിക്കുവാന്‍ താലൂക്ക് വികസന സമിതി തീരുമാനിച്ചു. മുനിസിപ്പല്‍ - പഞ്ചായത്ത് വാര്‍ഡുകള്‍ കേന്ദ്രീകരിച്ച് രൂപീകരിക്കുന്ന സമിതികളിലൂടെ ബോധവല്‍ക്കരണ പ്രവര്‍ത്തനങ്ങള്‍ നടത്തും. വികസന സമിതിയോഗത്തെ ജോണ്‍ പുളിക്കപ്പറമ്പില്‍ അധ്യക്ഷത വഹിച്ചു. പഞ്ചായത്ത് പ്രസിഡന്റ്മാരായ ശ്യാമള കുമാരി, സൂസന്‍ സെബാസ്റ്റ്യന്‍, പ്രേമ രാജപ്പന്‍, തഹസില്‍ദാര്‍ എസ്.വിജയന്‍, ഡിവൈഎസ്പി വൈ.ആര്‍ റസ്റ്റം, കെ.എസ് ശ്രീകുമാര്‍, എം.ഇ രാമചന്ദ്രന്‍ നായര്‍, ജോര്‍ജ് ജോസഫ്, പി.എസ് ഗോപിനാഥപിള്ള സംസാരിച്ചു.