തിരുവനന്തപുരം: സര്‍ക്കാരുമായി സ്വാശ്രയ കോളജ് അസോസിയേഷന്‍ നടത്തിയ ചര്‍്ച്ചയില്‍ ഫീസ് വിഷയമായില്ല. മെഡിക്കല്‍ കോഴ്‌സുകളുടെ ഫീസ് സംബന്ധിച്ച് സംസ്ഥാന സര്‍ക്കാരുമായി ചര്‍ച്ച നടത്തിയിട്ടില്ലെന്ന് സ്വാശ്രയ മെഡിക്കല്‍ കോളജ് അസോസിയേഷന്‍ പ്രസിഡന്റ് കൃഷ്ണകുമാര്‍ പറഞ്ഞു.

ചര്‍ച്ച നടത്തിയത് കോളജുകളെ ബാധിക്കുന്ന മറ്റു വിഷയങ്ങളിലാണ്. ഫീസ് നിരക്കിനെ കുറിച്ച് സര്‍ക്കാര്‍ നിലപാട് അറിഞ്ഞ ശേഷം മാത്രമേ ഇതിനെ കുറിച്ച തീരമാനിക്കൂ എന്നാണ് അസോസിയേഷന്റെ തീരുമാനമെന്നും കൃഷ്ണകുമാര്‍ പറഞ്ഞു.

മുഖ്യമന്ത്രിയുമായും ആരോഗ്യമന്ത്രിയുമായും കൂടിക്കാഴ്ച നടത്തുമെന്നും അദ്ദേഹം പറഞ്ഞു. ഫീസ് നിരക്കില്‍ മാറ്റം വരുത്തുന്നതിനെ കുറിച്ച് സര്‍ക്കാരിന് മുമ്പാകെ നിര്‍ദേശവും വയ്‌ക്കേണ്ടെന്ന തീരുമാനത്തിലാണ് അസോസിയേഷനെന്നും കൃഷ്ണകുമാര്‍ കൂട്ടിച്ചേര്‍ത്തു.