HOME
DETAILS

വയോജനവേദിയുടെ പഞ്ചായത്ത് ഓഫിസ് മാര്‍ച്ച് ഇന്ന്

  
backup
October 04 2016 | 18:10 PM

%e0%b4%b5%e0%b4%af%e0%b5%8b%e0%b4%9c%e0%b4%a8%e0%b4%b5%e0%b5%87%e0%b4%a6%e0%b4%bf%e0%b4%af%e0%b5%81%e0%b4%9f%e0%b5%86-%e0%b4%aa%e0%b4%9e%e0%b5%8d%e0%b4%9a%e0%b4%be%e0%b4%af%e0%b4%a4%e0%b5%8d%e0%b4%a4


സുല്‍ത്താന്‍ ബത്തേരി: അമ്പലവയലില്‍ 1999ല്‍ നിര്‍മിച്ച സ്വാതന്ത്ര്യസമര ജൂബിലി സ്മാരക മന്ദിരം പകല്‍ വീടായി വയോജനങ്ങള്‍ക്ക് തുറന്നു കൊടുക്കണമെന്നാവശ്യപെട്ട്  വയോജനവേദി അമ്പലവയല്‍ പഞ്ചായത്ത് കമ്മിറ്റിയുടെ നേതൃത്വത്തില്‍ ഇന്ന്് അമ്പലവയല്‍ പഞ്ചായത്ത് ഓഫിസിലേക്ക് മാര്‍ച്ച് നടത്തും. അമ്പലവയല്‍ ടൗണില്‍ സ്വാതന്ത്ര്യ സമരത്തിന്റെ അമ്പതാം വര്‍ഷത്തിലാണ് സുവര്‍ണ ജൂബിലി മന്ദിരം നിര്‍മിച്ചത്. എന്നാല്‍ നിര്‍മാണം പൂര്‍ത്തീകരിച്ച് 17 വര്‍ഷം കഴിഞ്ഞിട്ടും ഇതുവരെ തുറന്ന് പ്രവര്‍ത്തനം ആരംഭിച്ചിട്ടില്ല. ഈ സഹാചര്യത്തിലാണ് ടൗണില്‍ വയോജനങ്ങള്‍ക്ക് വിശ്രമിക്കാന്‍ ഒരുകേന്ദ്രം ആവശ്യമാണെന്നതിന്റെ അടിസ്ഥാനത്തില്‍ മന്ദിരം പകല്‍ വീടായി തുറന്ന് നല്‍കണമെന്നാവശ്യപ്പെട്ട് മാര്‍ച്ച് നടത്തുന്നത്.
ഇതു സംബന്ധിച്ച് നടന്ന യോഗത്തില്‍ കുഞ്ഞ്മുഹമ്മദ് അധ്യക്ഷനായി. ജെ. മാത്യൂസ്, പി.സി ഗീവര്‍ഗീസ്, എന്‍. വാസുദേവന്‍, കെ. വിജയന്‍, മുഹമ്മദ് കണക്കയില്‍, എന്‍.ഒ വര്‍ക്കി, വാസപ്പന്‍, ഇ.കെ ഗിരിജ സംസാരിച്ചു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."