കോഴിക്കോട്: എസ്.കെ.എസ്.എസ്.എഫ് സില്‍വര്‍ ജൂബിലിയോട് അനുബന്ധിച്ച്  സോണല്‍ അദാലത്ത് നടത്തി ശേഖരിച്ച ശാഖ കമ്മിറ്റികളുടെ സമ്പൂര്‍ണ രേഖ സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി കോട്ടുമല ടി.എം ബാപ്പു മുസ്‌ലിയാര്‍ക്ക് കൈമാറി. ചേളാരിയില്‍ നടന്ന ചടങ്ങില്‍ വിദ്യഭ്യാസ ബോര്‍ഡ് മാനേജര്‍ കെ. മോയിന്‍ കുട്ടി മാസ്റ്റര്‍, കൊട്ടപ്പുറം അബ്ദുല്ല മാസ്റ്റര്‍, ജംഇയ്യത്തുല്‍ മുഅല്ലിമീന്‍ മാനേജര്‍ എം.എ ചേളാരി, അദാലത്ത് കണ്‍വീനര്‍ റശീദ് ഫൈസി വെള്ളായിക്കോട് എന്നിവര്‍ സംബന്ധിച്ചു. ഇതോടെ അദാലത്ത് നടത്താത്ത യൂണിറ്റുകള്‍ക്കുള്ള അംഗീകാരം നഷടപ്പെടും. അത്തരം യൂണിറ്റു കമ്മിറ്റികള്‍ എം.എസ്.ആര്‍ പോലുള്ള രേഖകള്‍ക്കായി മേല്‍ ഘടകകത്തിലേക്ക് സമര്‍പ്പിക്കുന്ന അപേക്ഷകളും സാക്ഷ്യ പത്രവും തള്ളപ്പെടും.