പാലക്കാട്: ജില്ലയിലെ അംഗീകൃത പാരലല്‍ കോളജുകളില്‍ ഹയര്‍ സെക്കന്‍ഡറി, ബിരുദ കോഴ്‌സുകള്‍ ചെയ്യുന്ന പട്ടികജാതി വിഭാഗക്കാരായ വിദ്യാര്‍ഥികള്‍ക്കായി വിദ്യാഭ്യാസ ആനുകൂല്യത്തിന് അപേക്ഷ ക്ഷണിച്ചു. പ്ലസ്‌വണ്‍ വിദ്യാര്‍ഥികള്‍ സര്‍ക്കാര്‍ എയ്ഡഡ് സ്ഥാപനങ്ങളില്‍ അപേക്ഷിച്ചിരുന്നെങ്കിലും പ്രവേശനം ലഭിച്ചില്ലെന്ന സാക്ഷ്യപത്രം ബന്ധപ്പെട്ട സ്ഥാപനമേധാവിയില്‍ നിന്നും വാങ്ങി അപേക്ഷയോടൊപ്പം നല്‍കണം. ആവശ്യപ്പെട്ട ഗ്രൂപ്പ് അല്ലെങ്കില്‍ സബ്ജക്ട് ലഭിക്കാത്തതുമൂലം പാരലല്‍ കോളജില്‍ പഠിക്കുന്നവര്‍ അക്കാര്യം രേഖപ്പെടുത്തിയ സര്‍ക്കാര്‍ അല്ലെങ്കില്‍ എയ്ഡഡ് സ്ഥാപന മേധാവിയുടെ സര്‍ട്ടിഫിക്കറ്റ് ഹാജരാക്കണം. സേ പരീക്ഷ വിജയിച്ചവര്‍ക്കും  ഇതു ബാധകമാണ്. അപേക്ഷബ്ലോക്ക്മുന്‍സിപ്പല്‍ പട്ടികജാതി വികസന ഓഫിസര്‍ക്ക് പാരലല്‍ കോളജ് മേധാവി മുഖാന്തരം ഈ മാസം 31 ന് മുന്‍പായി സമര്‍പ്പിക്കണം. ഫോണ്‍: 0491 2505005.