കാഞ്ഞങ്ങാട്: ദേശീയ പ്രസ്ഥാനത്തിലൂടെ സ്വാതന്ത്ര്യ സമരത്തിനായി മുന്നിട്ടിറങ്ങിയ പി യശോദ ടീച്ചറുടെ ഒരു വര്‍ഷം നീണ്ടു നില്‍ക്കുന്ന ജന്മശതാബ്ദി ആഘോഷങ്ങള്‍ക്കു കേരള മഹിളാസംഘം തുടക്കം കുറിച്ചു.
ഇതിന്റെ  ഭാഗമായി കേരള മഹിളാ സംഘം കാഞ്ഞങ്ങാട് മണ്ഡലം കമ്മിറ്റിയും ബ്ലഡ് ബാങ്കുമായി സഹകരിച്ച് കൊണ്ടുള്ള രക്തദാന ക്യാംപ്  മാന്തോപ്പ് മൈതാനിയില്‍ ബ്ലോക്ക് പഞ്ചായത്ത് മെമ്പറും കേരള മഹിളാസംഘം ജില്ലാ വൈസ് പ്രസിഡന്റുമായ  യമുന  ഉദ്ഘാടനം ചെയ്തു. സാവിത്രി കണ്ണോത്ത് അധ്യക്ഷയായി.മഹിളാ സംഘം നേതാക്കളായ  ഭാര്‍ഗ്ഗവി, മാലതി,  ടി.വി സുശീല, സിന്ധു, പി മിനി സംസാരിച്ചു.
കേരളത്തില്‍ നാഷണല്‍ എയ്ഡ്‌സ് കണ്‍ട്രോള്‍ സൊസൈറ്റി നല്‍കിയ ഒരു കോടി രൂപ വില മതിക്കുന്ന എല്ലാ സജ്ജീകരണ സംവിധാനങ്ങള്‍ തയാറാക്കിയ  സഞ്ചരിക്കുന്ന ബ്ലഡ് ബാങ്കിലാണു രക്തദാന ക്യാംപ് നടത്തിയത്.