കണ്ണൂര്‍: സുന്നി മഹല്ല് ഫെഡറേഷന്‍ സംസ്ഥാന കമ്മിറ്റിയുടെ കീഴില്‍  നടപ്പാക്കുന്ന പാരന്റിങ് കോഴ്‌സിന്റെ സ്റ്റേറ്റ് പാരന്റിങ് കോണ്‍ഫറന്‍സ് നവമ്പര്‍ ഏഴിനു കോഴിക്കോട് കാരന്തൂരില്‍ നടക്കും. സംസ്ഥാന പ്രസിഡന്റ് സയ്യിദ് ഹൈദരലി ശിഹാബ് തങ്ങള്‍ കോഴ്‌സിന്റെ സംസ്ഥാന തല ലോഞ്ചിങ് നിര്‍വഹിക്കും. സമസ്ത കേരള ജംഇയ്യത്തുല്‍ ഉലമയുടെയും കീഴ്ഘടകങ്ങളുടെയും നേതാക്കള്‍, എസ്.എം.എഫ് ആര്‍.പിമാര്‍, മറ്റു പ്രമുഖര്‍ സംബന്ധിക്കും. ഓറിയന്റേഷന്‍ അടക്കം നാലു ക്ലാസുകളിലായുള്ള കോഴ്‌സിന്റെ ജില്ല, മണ്ഡലം, മേഖല, ശാഖാ തല പാരന്റിങ് കോണ്‍ഫറന്‍സുകള്‍ നവമ്പര്‍, ഡിസംബര്‍, ജനുവരി മാസങ്ങളിലായി നടക്കും.
കണ്ണൂരില്‍ ചേര്‍ന്ന യോഗം സംസ്ഥാന കമ്മിറ്റിയംഗം സയ്യിദ് പൂക്കോയ തങ്ങള്‍ ചന്തേര ഉദ്ഘാടനം ചെയതു. സിറാജുദ്ദീന്‍ ദാരിമി കക്കാട്, ഷംസുദ്ദീന്‍ ഓഴുകൂര്‍, ഷാജിഹു ഷമീര്‍ അസ്ഹരി, അബ്ദുല്‍ അസീസ് ദാരിമി, അസ്‌ലം അസ്ഹരി പൊയ്തുംകടവ്, ബഷീര്‍ അസ്അദി നമ്പ്രം, നാസര്‍ കല്ലരാവി, റഫീഖ് ചെമ്പ്രകാനം, ശിഹാബ് ബാഖവി കാങ്കോല്‍, ഇസ്സുദ്ദീന്‍, റിയാസ് വടകര, ജാബിര്‍ ഹുദവി, സി.ടി അബ്ദുല്‍ ഖാദര്‍, എ.കെ ആലിപ്പറമ്പ് സംസാരിച്ചു. സംസ്ഥാന ജനറല്‍ സെക്രട്ടറി ഉര്‍ ഫൈസി മുക്കം സമാപന സന്ദേശം  കൈമാറി. വന്‍ വിജമായ മാറിയ പ്രീമാരിറ്റല്‍ കോഴ്‌സിനു ശേഷം എസ്.എം.എഫ് നടപ്പിലാക്കുന്ന പാരന്റിങ് കോഴ്‌സിനെ ജനം പ്രതീക്ഷയോടെയാണു കാത്തിരിക്കുന്നതെന്ന് അദ്ദേഹം പറഞ്ഞു.