ഇരിക്കൂര്‍: റോഡുതകര്‍ച്ച കാരണം ബസോട്ടം നിര്‍ത്തിവച്ചതിനാല്‍ ബ്ലാത്തൂര്‍  മേഖലയിലെ ജനങ്ങളുടെ യാത്രാദുരിതം വര്‍ധിച്ചു.ബ്ലാത്തൂര്‍ ഭാഗത്തേക്ക് പോകേണ്ട ബസുകള്‍ ഇരിക്കൂര്‍ ബസ് സ്റ്റാഡില്‍ നിന്നും മടങ്ങുകയാണ് ചെയ്തത്.
ഇരിക്കൂര്‍ ടൗണ്‍ മുതല്‍ ബ്ലാത്തൂര്‍വരെയുള്ള ഒന്‍പതുകിലോ മീറ്റര്‍ ദൂരം റോഡാണ് തകര്‍ന്നു കിടക്കുന്നത്. ഇതുകാരണം ഇരിക്കൂര്‍-കല്യാട്-ബ്ലാത്തൂര്‍ റൂട്ടിലോടുന്ന ബസുകള്‍ സര്‍വീസ് നിര്‍ത്തിവയ്ക്കുകയായിരുന്നു.  
ഇതിനാല്‍ കല്യാട്, ഊരത്തൂര്‍, ഉളിക്കല്‍, തിരൂര്‍ മേഖലകള്‍ ഒറ്റപ്പെട്ടു. ബസ് ഉടമസ്ഥാ സംഘത്തിന്റെ തീരുമാനമാണ് പ്രകാരമാണ് ബസോട്ടം നിര്‍ത്തിവച്ചത്. ഈ റൂട്ടിലോടുന്ന  ഇരുപതോളം ബസുകളാണ് പണിമുടക്കുന്നത്. ഇരിക്കൂര്‍ ബസ് സ്റ്റാന്‍ഡില്‍ നിര്‍ത്തിയിട്ടതിനു ശേഷം ഇവര്‍ തിരിച്ചുകണ്ണൂരിലേക്കു തന്നെ മടങ്ങുകയാണ്. റോഡുതകര്‍ച്ചകാരണം ഈറൂട്ടിലോടുന്ന ബസുകള്‍ക്ക് അറ്റകുറ്റപ്പണിചിലവ് വര്‍ധിച്ചതാണ് ഉടമകളെ സമരത്തിന് പ്രേരിപ്പിച്ചത്. റോഡുതകര്‍ച്ചയില്‍ പ്രതിഷേധിച്ച് നിരവധി സംഘടനകള്‍ പ്രക്ഷോഭം നടത്തിയിരുന്നുവെങ്കിലും വിജയിച്ചില്ല.