നെയ്യാറ്റിന്‍കര: അമരവിള ചെക്‌പോസ്റ്റ് വഴി കാറില്‍ കടത്തിയ ആറു ലക്ഷം രൂപയുടെ സിഗരറ്റ് പിടിച്ചെടുത്തു.
ഇന്നലെ രാവിലെ രാവിലെ ആറരക്ക് അമരവിള ചെക്ക് പോസ്റ്റില്‍ എക്‌സൈസ് അധികൃതര്‍ പരിശോധനയ്ക്കായി കൈകാണിച്ചിട്ട് നിറുത്താതെ പോയ മാരുതി ഒമിനി വാനിനെ വാണിജ്യ നികുതി വകുപ്പ് അധികൃതര്‍ പിന്തുടരുകയായിരുന്നു.അവണാകുഴിയില്‍ വെച്ച് വാനിന്റെ ടയര്‍ പൊട്ടി. ഉടന്‍ വാഹനത്തിലുണ്ടായിരുന്ന രണ്ടംഗ സംഘം ഓടി രക്ഷപ്പെട്ടു.
തുടര്‍ന്ന് നടത്തിയ പരിശോധനയിലാണ് സിഗരറ്റ് കണ്ടെടുത്തത്. വാണിജ്യ നികുതി വകുപ്പ് ഓഫിസര്‍ അനിലിന്റെ നേതൃത്വത്തിലുളള സംഘമാണ് വാഹനത്തെ പിന്തുടര്‍ന്നത്.