ബംഗളൂരു: ഇന്ത്യയുടെ ഏറ്റവും പുതിയ വാര്‍ത്താവിനിമയ ഉപഗ്രഹം ജിസാറ്റ് 18 വിജയകരമായി വിക്ഷേപിച്ചു. ഫ്രഞ്ച് ഗയാനയിലെ കോറോയില്‍ നിന്നാണ് വിക്ഷേപിച്ചത്. നേരത്തെ നിശ്ചയിച്ചതില്‍ നിന്നും മാറ്റി കാലാവസ്ഥ അനുകൂലമായതോടെ ഇന്നലെ വിക്ഷേപിക്കുകയായിരുന്നു.
ഇന്നലെ പുലര്‍ച്ചെ രണ്ടു മണിയോടെ അരിയേന്‍  5 വി എ  231 എന്ന യൂറോപ്യന്‍ ലോഞ്ചറില്‍ വിക്ഷേപിച്ച ഉപഗ്രഹം 32 മിനിറ്റിനുള്ളിലാണ് ഭ്രമണപദത്തിലെത്തിയത്.
48 ആശയവിനിമയ ട്രാന്‍സ്‌പോണ്ടറുകളുമായി വിക്ഷേപിക്കപ്പെട്ട ജിസാറ്റ്  18ന്റെ ഭാരം 3,404 കിലോയാണ്. ടെലിവിഷന്‍, ആശയവിനിമയം, വിസാറ്റ് തുടങ്ങിയവയാണ് ജിസാറ്റ് 18 നിന്നും വരും ദിവസങ്ങളില്‍ ലഭിക്കുന്ന സേവനം. നേട്ടത്തിനു പിന്നില്‍ പ്രവൃത്തിച്ച ഐ.എസ്.ആര്‍.ഒ ശാസ്ത്രജ്ഞന്മാരെ പ്രധാനമന്ത്രി നരേന്ദ്രമോദി അഭിനന്ദിച്ചു.