എടപ്പാള്‍: കാലടി ഗ്രാമപഞ്ചായത്തിലെ പതിനഞ്ചാം വാര്‍ഡില്‍ നടപ്പിലാക്കുന്ന ശുചിത്വ സുന്ദര ഗ്രാമം പദ്ധതി ഉദ്ഘാടനം ചെയ്തു. പദ്ധതിയുടെ ഭാഗമായി ഗൃഹസന്ദര്‍ശനം, ബോധവല്‍ക്കരണം, പേപ്പര്‍ ബേഗ് നിര്‍മാണം, വിതരണം, പ്രകൃതി സൗഹൃദ സഞ്ചികളുടെ വിതരണം, വീടുകളിലെ പ്ലാസ്റ്റിക് ശേഖരണം എന്നിവ നടപ്പിലാക്കും. പ്രകൃതി സൗഹൃദ സഞ്ചികളുടെ വിതരണോദ്ഘാടനം പോത്തന്നൂര്‍ ജി.യു.പി സ്‌കൂളില്‍ ആലംങ്കോട് ലീലാകൃഷ്ണന്‍ നിര്‍വഹിച്ചു. വാര്‍ഡംഗം എന്‍. ഹരിദാസ് അധ്യക്ഷനായി. രാജേഷ് പ്രശാന്തിയില്‍, ബ്ലോക്ക് പഞ്ചായത്തംഗം ബള്‍ക്കീസ്, ഇ. രാജഗോപാലന്‍, കെ.പി കുഞ്ഞുട്ടി, കെ.എ കവിത, പി.വി മോഹനന്‍ മാസ്റ്റര്‍, ടി.വി അബ്ദുല്‍ സലാം, സുഷമ വിജയന്‍ സംസാരിച്ചു.