എടപ്പാള്‍: യൂത്ത് കോണ്‍ഗ്രസ് എടപ്പാള്‍ മണ്ഡലം ജനറല്‍ സെക്രട്ടറി കോലളമ്പ് കോലത്ത് കണ്ണന്‍ നമ്പ്യാരുടെ വീട്ടിലെ വിറക് പുര അജ്ഞാതര്‍ കത്തിച്ചു. ഇന്നലെ പുലര്‍ച്ചെ 2.30നായിരുന്നു സംഭവം. ശബ്ദംകേട്ടു പുറത്തെത്തിയ വീട്ടുകാരാണ് വിറകുപുര കത്തുന്നതും ചിലര്‍ ഓടിമറയുന്നതും കണ്ടത്.
ചങ്ങരംകുളം പൊലിസ് സ്ഥലത്തെത്തി അന്വേഷണം ആരംഭിച്ചു. നേരത്തേ ഇദ്ദേഹത്തിന്റെ വീടിനു നേരെ കല്ലേറ്, വീട് കയറി അക്രമം, വീട്ടുമുറ്റത്തു നിര്‍ത്തിയിട്ട അംബാസിഡര്‍ കാര്‍ കത്തിക്കല്‍ എന്നിവയും നടന്നിട്ടുണ്ട്.