പട്ടിക്കാട്: ജാമിഅ നൂരിയ്യ അറബിക് കോളജില്‍ നൂറുല്‍ ഉലമ സംഘടിപ്പിച്ച ഹിജ്‌റ സംഗമം സുലൈമാന്‍ ഫൈസി ചുങ്കത്തറ ഉദ്ഘാടനം ചെയ്തു. മുഹമ്മദലി ശിഹാബ് ഫൈസി കൂമണ്ണ അധ്യക്ഷനായി. നഹ്‌സ് എന്ന വിഷയത്തെ ആസ്പദമാക്കി നടന്ന ചര്‍ച്ചയ്ക്ക് എസ്.കെ.എസ്.എസ്.എഫ് ഇസ്തിഖാമ സംസ്ഥാന സമിതി ചെയര്‍മാന്‍ അബ്ദുല്‍ ഗഫൂര്‍ അന്‍വരി മുതൂര്‍ നേതൃത്വം നല്‍കി.
നൂറുല്‍ ഉലമ മെമ്പര്‍ഷിപ്പ് കാര്‍ഡ് വിതരണോദ്ഘാടനം ളിയാഉദ്ദീന്‍ ഫൈസി മേല്‍മുറി നിര്‍വഹിച്ചു. ഖാരിഅ് അബ്ദുറസാഖ് മുസ്‌ലിയാര്‍, സയ്യിദ് ഹുസൈന്‍ ബുഖാരി തങ്ങള്‍ മുതുതല, സിദ്ദീഖ് മേല്‍മുറി, സഅദ് വെളിയങ്കോട്, സിറാജ് ചെമ്പ്രശ്ശേരി സംബന്ധിച്ചു. നജീബുള്ള പള്ളിപ്പുറം സ്വാഗതവും റഷീദ് കമാലി മോളൂര്‍ നന്ദിയും പറഞ്ഞു.